Llafazanët pa shkak ..

19/11/2010 : Fabul në vargje ..

Në vapën e madhe të shkretëtirës pa fund

Një elefant i madh , u tkurr e u shkund ..

Më tej deveja , si kafshë e urtë ..

Mbllaciste , jargërat shpejt me ngut ..

Të dya kafshë gjigante dhe rezstente

mendonin për të tjerët , pa patur mendje

Dhe kur filluan ta shanin njëri , tjetrin të trembnin

thonë se shkak kishin hallet për e vendin ..

nuk mjaftonte vapa përvëluese, dhe mizat gjithandej

filluan me sharje dhe grindje , kush të gënjejë ..

zihen e grinden , për asnjë hall

vetëm për ego për krif , për shall ..

Elefanti i madh , e i krekosur mbarë

Ajo që mund të bëjë veç , të hajë më shumë barë..

- Ah moj deve , Moj turp nuk të vjen ?

Cicat në kurriz , shoqen kush sta gjen ...

- Uuuuf mor Elefant ,mend kërkon të shesësh ,

Me bibilen në hundë , gjer sa të vdesësh ..

Pra ..kështu kot ziheshi ngjithmon të dy

dhe kafshët që i dëgjonin

i duartrakisnin , i lumturonin i merrnin në sy ...

Por ata vashdonin të " zgjidhnin" hallët e shkretëtirës

edhe sot e kësaj dite , nuk i janë afruar pasqyrës .. ..

Hakun e mori deti ..!!

Koha kishte ditë që mbante për bukuri . Bile dhe dielli , vende vende gjatë ditës sillte sado pak ngrohtësi në atë vend të braktisur . Por nga ana tjetër dielli rriste edhe etjen dhe  dëshirën për ujë , pasi kur detin e ke pranë , të pihet më shumë ujë .. Të gjithë ndodheshin në një trase të braktisur , në të dalë të Pyllit të Sodës .
Gra , burra dhe fëmijë , po thuaj të panjohur midis tyre , po shkëmbenin muhabetete e çastit , me qëllim që ta thyenin kohën deri në mbrëmje .
Kur erdhi Arturi , përgjegjësi që i kishte mbledhur nga qendra e qytetit , u thirri shkurt :
- Solla ujë ..
Dy vajza të reja dhe Marku , u afruan të parët , si duket kishin më shumë etje .Në kohën që grupi u shpërnda për të gjetur një mundësi për të lagur sadopak grykën , u pa se ishin goxha , mbi 15 vetë .
Hekurani , një i ri nga Burreli , u bë kurioz dhe filloi ti numuronte , me gishtë ..13, 14, 15, 16 ...
- Oo qënkan shumë , si do të nisen të gjithë këta , ju drejtua ai Arturit , që po u shpërndante ujë me një gotë plastike të gjithëve me radhë ..
- Aha , akoma ti .. Presim edhe tre të tjerë , patriotë të tutë , që do të vijnë me autobus nga Fieri , pasi nuk ikën dot nga Semani , ja preu shkurt Arturi dhe , po mblidhte çantën , në të cilën kishte sjellë ujë ..
Lena , një grua rreth të 40-ave , ju afrua dhe i tha:
Po ndonjë kafshat për kta fëmijët nuk na sollët , gjith ajo rrugë , do ti marrë edhe më shumë uria , u shpjegua gruaja dhe shikonte me interes se si do të përgjigjej tjetri ..
- Moj zonjë , unë jam puntor . Zotnia më tha shpjeru ujë , unë solla . Po të më thoshte për bukë unë do të sillja edhe bukë.Por me sa di unë nuk keni bërë pazar edhe për bukë ..
- Ç 'pazar o i shkret , ja kthen një burrëtjetër aty pranë , dymijë e pesëqind dollarë nuk mjaftuan as për një kafshat për fëmijët ?
- O njerës , mos më vini në siklet , do të vijë Dashi para se të ikni dhe kërkoni çfarë të doni .. Do të më pushoni nga puna unë e shikoj . Kështu si e keni nisur ju do të më hiqni nga puna . Dashi nuk të fal . Po mori vesh që bëj fjalë me ju , më fluturoi ..Aman mos më kërkoni mua sqarime , ju kam rixha ..
... Dhe biseda u ndërpre si me thikë , pasi Arturi u zhduk në horizontë , me motocikletën e tij , tip të vjetër , që lëshonte më shumë tym nga oxhaku i fabrikave dikurë ..
Të gjithë pjestarët e grupit , kush me gruan e kush me vëllain apo me ndonjë kushëri ,a të afërm tjetër , u afruan dhe po diskutonin me zë të ulet , duke pritur sa të errësohej dhe të niseshin për rrugë .
Marku e kishte për herë të tretë që tentonte të shkonte , në Itali por nuk kishte mundur ti a arrinte qëllimit . Dy herë të tjera e kishin kapur në det dhe e kishin kthyer menjëherë në Vlorë .Tashmë për të kjo punë nuk ishte aventurë e pritshme , por aventurë që po e kryente dhe ri kryente disa herë . Por megjithate ankthi për të panjohurën nuk i kishte ikur .
Ai ishte 27 vjeç , dhe për dreq sapo kishte filluar punën , kishte dalë një problem shumë i madh . Në Malsinë e Madhe , aty ku ishte fshati i tij , para dy vjetësh , djali i xhaxhait të tij Lulashi , kishte vrarë një burrë nga një fis i Lumajve , për një hasmëri që asnjë nuk e mbante mend ..Thoshnin se ishte hasmëri 60 vjet përpara ..
Kjo e detyroi atë të lerë punën ,dhe e ema që e kishte të vetëm , e mbylli brenda me frikën e hasmit .
Prandaj Marku , u josh nga tregimet , e shokëve dhe miqve që ktheheshin nga Italia , dhe vendosi thyejë frikën nga hasmi , dhe  të ikte edhe ai aty ,pasi ashtu mendonte se ,do ti shpëtonte  "hakmarrjes " për një gabim që nuik e kishte bërë kurrë !
Këto mendime , sollën edhe darkën e cila sa vinte dhe muzgëronte horizontin .. Sa më shumë vinte errësira aq më shumë shtohej ankthi tek të gjithë antarët e këtij grupi , që një hall i kishte mbledhur bashkë ....
Ishte fillim dhjetori dhe nata shyqyr vinte herët . Në orën 6:30, të mbrëmjes , në horizontë , ashtu siç kishin premtuar , u dukën dritat e makinave të , zotninjve , që do ti çonin matanë detit .Gratë filluan të mbledhin gjithshka kishin dhe hodhën ato që nuk do t'iu duheshin më ...
Nga makinat zbritën disa vetë , por Marku megjithse ishte shumë afër , nuk arriti të dallojë asnjë fytyrë pasi errësira kishte pushtuar gjithë ambientin .. Për një çast , heshtja dhe nata u bashkuan si petët e bakllavasë , duke emetuar një farë ëmbëlsire , që të sjell mbarimi i ankthit të pritjes .. Pra më në fund do të niseshin ..
Diku , disa dhjetra metra nga deti u dëgjua një zhurme ë afërt e motorrëve që me sa duket ishin të skafeve që prisnin " pasagjerët e linjës " Vlorë - Brindisi ..
Pasi i hypën një nga një dhe u ngjeshën afër njëri tjetrit , pa pritur dhe pa e menduar se do të niseshin kaq shpejt e panë veten në det .Motorrët gumëzhinin dhe skafi mori shpejtësi ..Një zdap i gjatë i cili dallohej nga një pelerinë që kishte hedhur në trup , u tha që të gjithë të dorzonin lekët ashtu siç e kishin fjalën .. Asnjëri nuk kundërshtoi lekët po jepeshin dhe pasi numëroheshin , hidheshin në një çantë të madhe meshini .. Ai me pelerinë , si një engjëll me pamje djalli , dukej se po e shtonte akoma më shumë erresirën pasi qëndronte në ballë të skafit dhe nuk kishte as më të voglën mundësi që ndonjë rreze sado e vogël drite nga horizonti të afrohej brenda skafit ..
Njëri , me zë zë mbytur aty nga mesi i varkës , tha :
- Unë kam vetëm dymijë e treqind dollarë se nuk munda ti mbledh të gjitha ..
- Sokol , ndaloje skafin , nuk tallemi këtu , ne kemi kokën në rrezik dhe ky po tallet me ne ..
- Hidhe në det , u dëgjua i prerë , urdhëri i Sokolit .
Ndërkohë skafi me të vërtetë ndaloi por motorrat punonin , dhe pardesyja e zezë ndezi një elektrik dore , që sillte një dritë të zbehtë , në gjithë errësirën tronditëse të natës së dhjetorit .:
- Hidhu , i tha , ik bëj lekët dhe hajde nesër në darkë prapë po deshe , bregu është disa dhjetra metra nga këtu ....
Për shumë çaste pllakosi një heshtje varri dhe asnjë nuk foli .Por nga drita e elektrikut , Marku dalloi shumë mirë atë fytyrë , e cila nuk kishte lëkët për të paguar ..Atë fytyrë e njihte aq shumë , sa edhe ëndërrat natën , i shikontë të gjitha të t[ personiofikuar me atë fytarë ..
" Po më ndjek edhe këtu ?? ", pyeti veten ,
 Një përshtjellim mendimesh , kaloi trurin e tij ,në disa dhjetra sekonta , kur në skaf kishte pllakosur heshtja . Një ndjenjë e paqartë , e përshtjelluar me ankth por edhe me shpresë , e bëri që të flasë vetë dhe të thyejë heshtjen ..Me mendje të paqartë dhe pa e menduar gjatë , ju afrua dhe i tha atij që nuk kishte paratë ..:
- Shtjefën Lumaj , unë do të paguaj për ty .Megjithse po ta dia që ishe edhe ti në këtë skaf unë nuk do të hypja .. Kam gati pesqind dollar më shumë për ditët e para sa të shkoj në Itali , po i paguaj , se dikurë ishim shik dhe miq ....
Shjefni , po e shikonte me sy të zgurdulluar dhe nuk foli asnjë fjalë , deri sa përsëri Sokoli , drejtuesi i skafit , e prishi heshtjen :
- Hajde se të hodhëm në det , nuk ka shaka me këto punëra , kërcënoi ai seriozishtë ...Shtejfni po dridhej , jo nga të ftohtit , por më shumë nga neveria ,dhe nuk fliste , por vetëm shikonte i hutuar . Shikimi i tij binte direkt në sytë e Markut . Pra Marku , ja ku e kishte para syve , hasmin e tij , atë që e kishte detyruar , për gati dy vjet të ngujohej në shtëpi .Por e mori në sy . Do ta ndihmonte dhe do ti kërkonte dorën e faljes ashtu siç e kishte zakoni ..
Pa e zgjatur më shumë , futi dorën në zhep dhe nxorri edhe dyqind dollarët , që trafikantët i kërkonin hasmit të tij ..
Kur Ai me pardesy, zgjati dorën të merrte edhe paratë e fundit , që skafi të nisej , u dëgjua përsëri Shtjfni :
- Mos i merr , unë nuk marr para nga hasmi ..
- Mos më shit mend mua , i tha Dashi me pardesy , se kur të përfundosh në det do ti kërkosh dhe nuk do ti gjesh paratë as nga hasmi ..hahahaha ... qeshi me të madhe , si për të treguar triumfatorin e madh ..E qeshura e tij u shoqërua edhe nga Sokoli dhe dy djem të tjerë që shoqëronin skafin dhe u bë shumë e zhurmshme . Kaq e zhurmshme sa mbyty edhe zhurmën e ujit kur Shtjefni u hodh në det .. Ata qeshnin e qeshnin dhe nuk e panë se , ai ishte hedhur vërtetë . Të qeshurën e tyre e ndaloi thirrja e fortë e Markut :
- Mooooossss...Çfar po bën . Uji është shumë i ftohtë ..
Por Shtjefni nuk dëgjonte më se tashmë ca dalgët e ca zhurma e motorrit ,i humbën lidhjen akustike më skafin dhe grupin .
Si duket Shtjefni , u pendua menjëherë që u hodh në det se nuk po notonte normal . Ose kishte shumë ftohtë ose nuk dinte not, fare ..Ata që qeshnin , nuk e "vunë ujin fare në zjarr ", dhe diskutonin të niseshin ..
- Hajd pra në të s 'ëmës të vesh , u dëgjua zëri i njohur tashmi i Sokolot , që drejtonte skafin.. Marku meqë ishte disa vjeç më i madh se Shtjefni , u rëndua shumë nga mërzitja pasi për një çstë mendoi se ishte ai sebepi që u hodh tjetri në det ..
Kur skafi u nis , ai u çua në këmbë dhe u hodh pa u menduar në det . Nga skafi dëgjoi vetëm një zhurmë që më shumë vinte nga një " Uaaa " që ja bënë të gjithë pjestarët e atij fati , në atë skaf .. Duke qënë se dinte not mirë , u drejtua për nga Shtjefni , që tashmi besoj ishte shumë metra larg, pasi vetëm mballaçitjet e detit dëgjoheshin . Në çastë mendoi për keq , por vendosi ta provonte me zë :
- Eeeeej , Shtjefën , a më dëgjon ...
- Këtu , këtu jam , po notoj drejt bregut , por kam shumë ftohtë ..
Ata të dy notuan për gati dy orë , deri sa deti i çoi në breg , disa qindra metra, me në afërsi të qytetit të Vlorës ..
- Më fal o njeri i perëndis , por nuk e dija se më ndiqje deri edhe këtu , i thotë Marku atij ..
Shtjefni nuk po fliste por vetëm se dridhej nga të ftohtit ..
Marku edhe njëherë i foli :
- Po hë thuaj një fjalë, ke rastin të marrësh hak ..
- Për ne të dy , tashmë hakun e mori deti , ja ktheu Shjefni , duke e ndihmuar që të shtrydhte rrobat e bëra qullë ... Tashmë nata ishte shumë e thellë dhe atyre u duhej një vend , ku mund të ngroheshin .
...Pa para dhe pa shpresë , tashmë Marku do ta mendonte mirë se a do të ishte në gjendje ta përsëriste për herë të katërt këtë aventurë të pa fat ..drejt asaj që dikush e quante ..shpresë ..!
Partizan Cene
Dhjetor 2010 ..

Unë i njoh Ato

23/11/2010 .. Tregim nga Partizan Cene

Kishte disa ditë që binte shi . rrugët ishin mbllaçitur dhe larë disa herë , por megjithtë , vazhdonte të mbizotëronte kudo balta .

Ardiani , e pa të udhës që deri te shtëpia të merrte një taksi , paçka se nuk e ndanin as 200 metra deri aty .Turri i mbasdites gjithmonë e lodhte më shumë .Duke ngjitur atë dy tre shkallë deri tëk porta e shtëpisë së ulët pa instiktivishtë orën .Ajo po shkonte 22 :00 .

Megjithse kishte çelsat , shtypi butonin e ziles , dhe priti sa u hap dera . Ishte babai i tij , i cili sapo ishte kthyer si duket nga kafeneja e lagjes , se akoma ishte pa veshur bizhamet. Kur e pa ashtu tek porta , për një çast i erdhi ndër mend një merak që kishte tani e shumë vite më parë ..

I ati i tij, Azemi ishte një trupmadh , që dukej se vetë ky nuk kishte marrë asgjë nga i ai. Kjo pasi vetë Ardiani vinte trup vogël , me gjatësi mesatare , por me konstrukt jo të shëndosh .. Pamvarësishtë kësaj , ai nuk e kishte problem pse nuk kishte lindur kaq i gjatë sa i ati , por shumë herë e brente nga brenda që pse nuk ngjau edhe ai nga raca e babait ..

Me këto mendime krejt spontane , hyri në shtëpi , dhe pa se tavolina e darkës ishte shtruar .. E ëma e tij , Merjemja ishte një grua jo vetëm e thjeshtë por mbi të gjitha edhe shumë e dashur , dhe gjithmonë e sjellshme edhe me Adrianin që ishte djali i saj i vetëm ..

Familja ishte , gjithmonë e saktë në oraret e ngrënies dhe në përgjithësi shumë e rregullt në funksionimin ditor dhe jetësor ..

Azemi , kishte ditur që gjithë jetën , pamvarsishtë se kishte punuar në hekura dhe punëra të rëndomta , e kishte mbajtur , në gjendje të mirë familjen . Atyre pothuaj se ,edhe tani që kishte ndërruar sistemi , nuk u kishte munguar asgjë .. Shtëpine e kishin të tyre , disa të holla për një ditë të keq i kishin , dhe bile po përpiqej , Azemi të bënte një shtesë tjetër në shtëpinë një katshe , se Adriani po rritej dhe tashme 23 vjeç mbase edhe do të martohej ..

Pasi lau duart dhe po i fshinte me peshqirin e varur në koridor jashtë banjës , sytë i shkuan nga televizori .Menjëherë i bëri përshtypje , pse e kishin fikur .Ndaj pyeti të ëmën :

- Mama , pse nuk do ta shikosh telenovelën sonte ??

- Jo të keqen mamaja , jam disi e lodhur , ndaj do shkoj të fle ..Po edhe ti , shtrihu se je për punë nesër , ju përgjigj ajo shpejt , sikur donte të mbaronte diçka ..

- Jo jo unë nuk kam punë nesër , më lajmëruan , ndaj do ti hedh një sy , televizorit ..

- Po shtrihu mor bir , se vajti ora 11 : 00 , je lodhur sot , ndërhyri i ati Azemi , si për të mbështetur të shoqen e tij ..

- Ja për pak , tha Adriani , dhe shkoi tek televizori dhe shtypi butonin ..

- Mos e hap se më dhemb koka , tha përsëri e ëma , Merjemja , duke këmbëngulur akoma ..

Ndërkohë që Adriani po kërkonte telekomandën , televizori u hap dhe në ekran , ishte një emision që e kishte parë edhe herë të tjera . Ishte emisioni ku kërkoheshin dhe gjendeshin njerëzit , e munguar apo të humbur , siç i thoshnin rëndom ..

- Eee e shikoni , për pak harruam moj mama , sonte që ështe e premte ,është emisioni që pamë javën e kaluar, harruat.. ??A ju kujtohen ato dy vajzat e vogla 14 dhe 16 vjeç që , kërkonin vëllain e tyre , ishte shumë prekse , nuk e kishin parë kurrë dhe thoshnin për të fjalët më të mira dhe më të dashura . Shumë më mallëngjyen .., tha me entuziazëm Adriani .

- Mirë biri im , unë do të shkoj të fle , tha Merjemja , shikoje me babanë tënd ..

- Jo moj mama , nuk ke kuriozitet ta marrim vesh , ja mbani qetsi të dëgjojmë ..

Spikerja e emisionit , me mirsjellje i uroi mirseardhjen në emision babait të vajzave , i cili doli disi i ndrojtur , para kamerës , dhe zuri vendin në karrigen përballë spikeres ..

Për një moment , Adrianit ju shpërqëndrua vëmendja , nga një klithmë e mbytur e së ëmës , e cila pshertiu thellë por nën zë , dhe Adriani më shumë e ndjehu ngulçimin e së ëmës , se sa e dëgjoi . Ju afrua dhe e pyeti lehtë , që mos të dëgjonte Azemi , i cili ishte në anën tjetër të sallonit të madh ..

- Çke mos jeni zënë ?? Ti nuk e prish gjakun shumë ? Keni bërë fjalë ?

- Jo jo nuk kemi asgjë , por unë sikur nuk ndihem mirë .

- Mos je sëmurë , tha ai shpejt i alarmuar për shëndetin e mamasë ..

- Jo jo , mos u shqetëso . Ja nga emisioni , që po shikon ti ..

- Pse , kaq gabim i rëndë është që të shikoj edhe unë një emision , tha disi mosbesues djali dhe u largua nga veshi i së ëmës dhe u ngjesh në kolltukun , pak më tutje ..

Merjemja , nuk i dha më udhë fjalëve por , e fiksoi shikimin e saj në ekranin e televizorit ..

Emisioni , vazhdonte , dhe kamera shumë herë , e çonte në profil të plotë dhe plan të afërt , tek babai i vajzave , i cili u përgjigjej pyetjeve të spikeres ..

Adriani u përhumb , në botën e emisionit , që e tërhiqte aq shumë , dhe nuk i vuri veshin më fjalëve të mamasë ..

Duke parë, atij i bëri përshtypje ai burrë , me finesën, konstruktin dhe pamjen e tij ..U habit shumë kur pa se ishte një kopje , më e vjetër e fytyrës dhe trupit të tij ..Pë një çast instiktivishtë hodhi shikimin majtas djathtas , andej nga ishin ulur , të ndarë , kush në kolltuk dhe kush në karrige , babai dhe mamaja .

Pa se mamaja filloi të dridhej dhe në fytyrë i erdhi një verdhëllim shumë i dukshëm .. Menjëherë i tha të atit , dhe shkoi tek guzhina për një gotë ujë ..Kur erdhi , shikon se e ëma shkumonte e tëra nga goja ! Babai ishte në telefon si duket po lajmeronte ndonjë ambulancë ..

Nuk arriti të bënte veprimë të tjera dhe shikon që mamaja po ndërronte fytyrë , nga e verdhe në të zezë ..Vuri veshin në kraharorin e saj , dhe u tmerrua kur nuk dëgjonte asgjë ..

Nga shpresa se mund të ishte i tronditur prandaj nuk dëgjonte , ju afrua të ëmës , dhe filloi ti shtypte forte kraharorin e saj . Shikonte se ajo nuk reagonte. Ndërkohë Azemi , ishte përlotur dhe po turfullonte me të madhe duke sharë nëpër dhëmbë , ambulancën dhe shërbimin e ndihmës që nuk po dukeshin .

Adriani i mori dorën mamasë dhe ndjeu , se ajo ishte e ftohtë . Për herë të parë , i shkoi ndër mend se edhe mund të kishte vdekur .. Thirri njëherë fort : - Mamaaaa , dhe ra mbi trupin e saj , i trobitur dhe i mërzitur në kulm ..

Nuk arriti të shikojë se sa minuta kaluan kur u dëgjua një shurme e afërt makine që frenoi , dhe ra zilja e jashtme .Tek dera që hapi babai , pa dy bluza të bardha .. Mjeku sa e pa dhe e preku me dore ne temth ,mamanë , tundi kokën në shenjë mohimi , dhe tha:

- Më vjen keq , por ...!!!

Adriani gërthiti me të madhe duke rënë edhe njëherë mbi trupin e së ëmës , të cilën po e humbte ashtu papritur dhe pa asnjë paralajmërim ..Ngashrimi ishte , në maksimum dhe ambienti u rëndua shumë ..

...Funerali i u bë ditën tjetër .Të aferm dhe të njohur , mbushën shtëpinë dhe në varreza kishte shumë njerëz .. Familja e tyre ishte dashamirëse me të gjithë ..

Për të edhe era edhe shiu edhe edhe i ftohti , i plotësonin të plotë pamjen e shpirtit të tij brenda thellë , në ngashrim dhe mjerim , për njeriun më të dashur që humbi .

Ditët kalonin zymshëm . Me gjithë mallngjimin dhe mërzitjen që kishte ,pasi varrosi të ëmën , Adrianit nuk i hiqej nga mendja , ai burri që pa në emision.

Shumë pyetje , nuk mund ti linte pa marrë asnjë përgjigje , ndaj vendosi që të bënte diçka .. Por çfar të bënte ?

Atë e mundonite nga brenda ajo që , pse mamaja u mërzit pasi pa atë burrin tek emisioni , dhe pse vetë Adriani i ngjante aq shumë atij burrit ??

Këto mendime , e mundonin shumë dhe shtonin trishtimin e tij për mamanë e dashur , që nuk do ta shikonte më kurrë ..

..... Që nga vdekja e mamasë , tezja e tij Lushi , kishte denjtur pranë tij tërë këto ditë . Kur e pa që servirte kafenë tek disa vizitorë , që kishin ardhur për ngushëllim , i erdhi në mendje , se ajo ndofta mund të dinte diçka ..

...Një ditë , në kohë dreke kur edhe babai nuk ishte në shtëpi , gjeti rastin që të bisedonte me teze Lushin :

- Unë tashmë e shikoj që duhet të të them diçka ,i thotë ajo , por nuk e di sa je gati ti të kuptosh apo të pranosh realitetin , dhe të mundesh të arsyetosh vetë për të gjitha .

- Do të isha shumë i lumtur të dia gjithshka . Mamamnë e kisha nënë , dhe shoqe , por si duket ajo nuk më kishte shok , ndaj nuk më tha asgjë nga ato që e brenin gjithmonë , tha djali dhe shikonte në sy tezën e cila i hiqte mallin e mamamsë , nga mgjashmëria e madhe që kishin ..

Dhe Lushi filloi ti tregoi , ato që ajo dinte apo që i kishte përjetuar bashkë me motreën e saj para shumë viteve të largëta ..

" ....- Mamaja e jote ishte e fejuar me Azemin , filloi tregimi i saj , i shtruar dhe tërheqës për Adrianin ..

Por n jë ditë , ajo u takua , me një shokë lagjeje , me të cilin kishte bërë edhe shkollën fillore . Ky tip i pëlqente që fëmijë Merjemes , por prindërit nuk deshën të marrtohej me të se ai kishte biografi të keqe . Pra kishte një xhaxha të arratisur , dhe familja e tij kishte bërë disa vite internim para se të vinin në qytetin tonë .

Ai shoku i saj ishte trup vogël por shumë simpatik dhe tërheqës .. Me pak fjalë , ajë u drodh sa e pa , dhe menjëherë , siç më ka treguar edhe vetë , u ndez brenda saj zjarri i vjetër i dashurisë që kishte për të .

Nga ana tjetër , fejesa me një njeri që nuk e njihte , me shkijes , dhe pa as më të voglën ndjenjë dashurie , e kishte drobitur të tëren , dhe rastin e shokut e pa me shumë përparësi si mundësi që , të shpëtonte edhe nga fejesa e detyruar , me Azemin ..

Edhe ai shoku i saj , Mandi quhej, tregoi interes , për të .. Kështu që lidhja nuk vonoi , dhe takimet e fshejta u shtuan .

Në një nga këto takime , krevati i dashurisë së tyre , solli një shatzani të pa dëshiruar ..Menjëherë e vuri në dieni edhe atë shokun . Por aty ndodhi edhe zhgënjimi i madh ; Ai nuk i doli për zot fëmijës duke i kërkuar dështimin e fëmijës ..Mirëpo mamaja e jote nuk donte në asnjë mënyrë ..

Kur ishte në ditët e para të muajit të dytë , ajo ja tha këtë ,të ëmës së saj .

Kjo menjëherë ja tha të atit dhe kështu u dha alarmi në shtëpi .. Druri ishte më i shpeshtë se buka dhe përfundimishtë , martesa duhej të bëhej patjetër ..

Azemi , siç edhe ti e di , ishte i ardhur në qytet dhe gjyshi jot, e kishte në ndërmarrjen e ndërtimit ku ishte edhe përgjegjës . Kështu që martesa u bë shpejt , "me urdhër të shefit", dhe Merjemja përfundoi në shtëpinë e Azemit .

Mbas 7 muajsh afërsishtë , linde ti ..

Për Azemin u rregulluan punët , sikur ishte , e sëmurë Merjemja , dhe e lindi para kohe fëmijën ..Nga frika se mos fëmijët e tjerë do ti ngjanin Azemit dhe do të ishin të ndryshëm nga ty , ajo nuk bëri më fëmijë .. Këtë nuk ta shpjegoj dot se si e arriti .. " vazhdonte tregimin rrënqethës , teze Lushi ..Për një çastë edhe ajo pshertiu , dhe piu një gllënkë ujë , pastaj shtoi : ".. Ai shoku i saj , Mandi , mori vesh , rastësishtë , në një aksion për pastrimin e qytetit , që Merjemja , e kishte lindur fëmijën dhe e kishte djalë ..Për çudi , ai nuk u bë më i gjallë kurrë . Një herë rastësishtë , unë mora vesh se e kishin transferuar elektricist në Koman , dhe ndofta kjo ishte arsyeja pse nuk ishte dukur më ...

Si duket ai është martuar , më vonë dhe ka bërë edhe dy vajzat që pamë në emision .." Përfundoi , tregimin e një jete të tëre , për disa minuta tezja e tij e dashur ..

Adriani , e kishte humbur kaq shumë vëmendjen sa , edhe shikimin e kishte tretur larg , nga dritarja , dhe nuk e kuptoi se tezja kishte mbaruar .. Jashtë puhia e rëndë e dimrit që po afronte , dukej sikur donte ta merrte me vete ambietin , edhe ashtu disi të trishteuar dhe dimror , të shpirtit të tij nga brenda ..

Kur tezja mbaroi , e pyeti perzemersishtë ..

- Xhani i tezes , nuk besoj se të merzita më shumë , por duhej që një ditë ti ta dije ..Merjemja , megjithse nuk e kishte harruar , shpresonte se kurrë nuk do të dilte me të gjallë të saj e vërteta , se siç thoshte , nuk do të mund ta përballonte ngarkesën emocionale të asaj që ajo ndihej tëre jetën tënde fajtore ..

- E përse ndihej fajtore ?? pyeti pa ndonjë ide të dytë djali , por në mendje i shkonte gjithmonë ai burri që tani e kuptoi pse ishte shëmbëlltyra e tij , në të ardhmen ..

Jashtë degët e pemve , loznin me erën duke e shpërblyer atë me gjethet e verdhelluara , nga pesha e vjeshtës, të cilat i leshonin mbi kurorën e tyre , si orizi mbi kurorën e nuses ..

".. Unë kam lindur at'her , por tani kuptova se jam bërë burrë " mendoi Adriani , ndërkohë që ato vajzat e vogla , hynë në mendjen e tij nga dritarja e kujtesës, dhe po rrinin bashkë me të , diku aty në një cep të zemrës duke pritur që tu hapë derën e madhe të dashurisë i vëllai, që kurrë nuk e kanë parë dhe nuk e kanë njohur ..

... Unë i njoh ato ,tha Adriani dhe mendonte sa më shpejtë të takohej me ato ,dy ëngjëj që pa i prekur i sillnin ndjenjën e hijësisë .. ..

Sontazhet

20/11/2010 .. Sondazhet kanë filluar të mbijnë si vesa në dimër .. Dhe sa kuptim ka kjo shprehje , kuptohet se sa të drejtë dhe të qartë janë sondazhet e publikuara kohët e fundit në Shqipëri .
Nuk është problemi se kush i publikon dhe nga publikohen por, sa të besueshëm janë ato . Po tu besojmë verbërishtë "gallupeve ", duhet të besojmë pastaj se në Shqipëri , ka çrregullim të konceptimit dhe të perceptimit të gjërave .
Kjo pasi , nuk është e mundur , që në një vend me , një rrogë mesatare , 200 -300 euro në muaj , dhe ku të jetosh , muajin , duhet të harxhosh të paktën 300 euro minimalishtë , njerzit të shprehen se janë të lumtur ..Njerzit të tregohen naivë dhe të thërrasin , " ..jetojmë mirë ", kur shikon se në pesë familje , dy nuk i kanë në punë , as privatisht as në shtet pjesëtaret e tyre.
Pa dashur të shtjelloj shifrat e Gallupeve , që fatkeqësishtë gjithmonë arrijnë ta tej çojnë vëmendjen e popullit nga hallet dhe problemet e përditshme duke i servirur atë që tashme në Shqipëri është bërë në modë : Pra : " Mos u anko se je gjithmon pakicë ti që ankohesh .."
Pikërishtë , kjo është edhe motua e qeverive 20 vjeçare në Shqipëri . Ato i kanë vene detyrë vetes , jo ta bëjnë popullin mirë , por ta bëjnë atë të besojë, se jeton mirë .
Cila qeveri , antipopullore , siç janë këto të viteve të fundit në Shqipëri , nuk do të paguanin , siç i thotë fjala e popullit , "qimet e kokës" , që të gjenin një Gallup , që të kalluposte , perceptimin e shqiptarëve , nga keq jetesa dhe paqendrueshmeria politikoekonomike që po jetojnë , në një bllok të qelqtë dhe kristal , ku çdo gjë të dukej vaj dhe mjaltë ...
Gabim që përmenda vajin dhe mjaltin , se ti blesh ato sot në Shqipëri duhet të kesh xhep bisnesmeni ..
Pra , sot mjafton që një firmë sondathesh të paraqesë deshirën "e mirë" ndaj qeverisë , për të treguar "realitetin" si në kohen e Duçes dhe Hoxhes , dhe do ta kishte të siguruar praninë e saj të përhershme , në Shqipëri , si burimi më i "besueshëm " i tregimit të realitetit të brishtë dhe të paqartë në Shqipëri ..
Por ka edhe shumë gjëra të tjera , të cilat influencojnë në konceptimin dhe perceptimin e mënyrës së jetesës ,si dhe kur duhet ta quaj veten një njeri i lumtur .
Pjesa më e madhe e shqiptarëve , akoma nuk kanë mundur të dalin jashtë territorit të Shqipërisë , pasi kjo ka qënë edhe një " deshirë" e qeverive të deritanishme , pasi për inerci , edhe nga modeli totalitar që vazhdojnë të ndjekin si në kohën e diktaturës , ju leverdis qeveritarëve që populli të shohë sa më pakë jashtë , se kështu dë të mund të manipulohet edhe më kollai ..Pra siç e thashë më lart , në një shoqëri që festat bëhen vetëm për buje dhe politikë , ku nuk respektohen vlerat e kaluara dhe nuk përkujtohet pothuaj asnjë gje e mira nga e kaluara , e tashmja mund të manipulohet me mjetet më moderne të sotme të mundshme ..
Me liberalizimin e vizave , Evropa tregoi se më në fund , mendon se duke u lënë[ të lur[ë shqiptarët dë të mund të perceptojnë edhe jetën e tyre , në këndvështrim me atë që dë të shohin jashtë ne vendet e perndimit modern, demokratik dhe të zhvilluar ..
Ne Shqipëri këto vitet e tranzicionit janë berë pa diskutim hapa pozitive , në shumë fusha por kryesishtë vendin e parë e zë rruga e Kombit . Mirpo , kjo jo vetëm që i vuri në borxh të madh e të përjetshëm shqiptarët , duke ngrënë aq lek sa do të ndërtoheshim gati ti gjitha rrugët e tjera rurale në Shqipëri , po u ha tani edhe shpirtin dhe mendjen , duke jua servirur këtë rrugë , për buk , ujë drita dhe argëtim .. Pra propaganda e makinës mediatike e financuar padiskutim në mënyrë të jashtëligjshjme , nga qeveria dhe parlamenti , ka arritur kulmin , duke i paraqitur këto ndryshime , sikur ti kemi sjellë nga planeti X .
Harrojnë që për to , janë marrë kaq para borxh që kurrë , nuk do të shlyhen dhe kurrë nuk do të jemi rehat , nga borxh dhënësit ..
E përmenda këtë fakt për të ilustruar atë që parimi, "sa ke jorganin do të shtrish këmbët" , nuk duket se zbatohet në Shqipëri ..
Për qeverine , dhe kryeministrin , nuk ka rëndësi se sa do të paguajmë , rëndesi ka që të kuptojë populli se duhet të paguaj ..Dhe kjo duket , nga rrogat , jetesa argëtimi , shkollimi , shëndeti etj , që janë lënë pas dore nnë mënyrën më të keqe pse jo edhe më kriminale .
Për propagandën qeveritare Berisha - Topalli - Meta , çdo gjë tashmë matet me vota ,dhe jo me koeficentë mirqënieje apo rritjeje ekonomike etj se ato nuk e ka problem , ti manipulojë si të dojë dhe kur të dojë ..Paratë i hedhim aty ku ka më shumë fitim për korrupsionin dhe ku pjellin me shumë vota për të korruptuarit ..
Dhe pastaj gallupet dhe kallupet , tërheqin vëmendjen duke e servirur të zezën katran , gri ose kristal të bardhe , pa menduar se fëmija dhe plaku në shumë raste nuk ka lek as për të blerë buk. Dhe kështu nuk e ka të drejtën as të jetojë normal , dhe jo më pastaj të jetojë i lumtur ..
Partizan Cene

Megjithse Rama , ka ndërruar 5 herë qëndrim , Berisha po 5 herë ka këmbëngulur në të tijën ..!!

26/11/2010 : Nga Krokodili deri sot , kryetari socialist ka ndërruar 5 herë qëndrim , deri sa erdhi në momentin e dorzimit para këmbënguljes së "keqbërësit të demokracisë , dhe kusarit të votës së lirë ",siç ai e ka quajtur Berishën , dhe bashkëpunëtorët e tij .. Megjithse Rama ka ndryshuar 5 herë qëndrim , Berisha ka këmbëngukur po 5 herë , dhe nuk pritet që edhe në këtë rast të bëjë qoftë edhe një fjalë , leshim ... !!

Të gjithë opozitarët shqiptarët , nga e majta dhe e djathta , e pritën me interes dhe me sy të mirë , vendimin e Partisë Socialiste , për ta rishikuar dhe ri formuluar qëndrimin dhe kërkesat e saj , lidhur me transparencën e zgjedhjeve .

Nuk ka dyshim se ky veprim ishte i drejtë , pamvarsishtë se ka shumë socialistë apo opozitarë të tjerë , që vazhdojnë ta shikojnë me skepticizëm dhe me mos besim veprimin e kryetarit të opozitës ..

Por çështja që hapet tashmë është se pse opozita këtë hap e bëri tashtë dhe nuk e kishte bërë më parë .. Sigurishtë kushtet ishin të njëjta dhe mendoj se nuk ka ndryshuar diçka , për sa i përket "kundërshtarit " të tyre , zotit Kryeministër dhe mazhorancës në përgjithësi .

Pra i themi këto , pasi u njohëm me përmbajtjen e letrës që zoti Edi Rama i dërgoi Kryetarit të mazhorancës , dhe kryeministrit të vendit zotiz Sali Berisha.

Për herë të parë , mbas 15 muajsh , që opozita kërkon transparencën e zgjedhjeve të 28 qershorit 2009 , kryetari Rama dhe bashkëpunëtorët e tij , nuk kërkojnë me të bëhet hetim i pakufizuar , por vetëm të hetohen kutitë e materialeve zgjedhore .

Kjo është një taktik apo është një dorzim para këmbënguljes së "kusarit" siç e quanin ata kryetarin e mazhorancës ??

Po të jetë taktik , lind pyetja vetvetiu ;pse nuk u ndoq që më parë kjo taktikë ??

Apo mos është presioni nga ndërkombëtarët , të cilët besojnë akoma në raportet e vlersimit të atyre zgjedhjeve , pamvarësishtë pretndimeve të opozitës ?

Shumë analistë thonë se veprimet e fundit të zotit Rama , e vënë atë në përplasje me elektoratin dhe bazën socialiste , pasi , kurrë ndonjëherë ai nuk kishte deklaruar se do të dorëzohej , para Berishës dhe atyre që kanë manipuluar zgjedhjet e fudit .

Argumenti se , janë interesat e vendit ato që e shtynë Ramën të bëjë hapa të tillë , nuk qëndrojnë në këtë rast , se interesa e vendit kanë qënë gjithmonë edhe para 15 muajsh edhe tani ..

Ai argumentonte para elektoratit që votoi dhe nuk u numurua vota e tij siç duhej dhe u vodh vota gjithashtu , se interesi më i madh për vendin është që të hetohen zgjedhjet e 28 qershorit të 2009 -ës , dhe ti mbyllet rruga njëherë e përgjithmonë , epokës së manipulimit të procesit zgjedhor në Shqipëri dhe ti hapet rruga , epokës së zgjedhjeve të lira e të ndershme ..

Nga fjala në Top Stori, kryetari Rama më shumë e errësoi se sa e zbardhi arsyen pse , ju bënë edhe njëherë leshime Berishës , kur, më shumë se 51% e popullsisë që votoi , megjithse votoi majtas , u numerua djathtas ..

Megjithatë koha do të tregojë se sa i drejtë ishte veprimi i Ramës në këtë rast ..

Përmbytja .. e opozitës shqiptare .!

06/12/2010.. Pesë herë për një vit , ose më saktë shumë herë në pak muaj .. Ky është bilanci që po del përditë nga goja e kryetarit të opozitës , lidhur me atë se sa herë është përmbytur Shkodra dhe Veriu , i Shqipërisë . Por a ja vlen të bësh një bilanc sa hërë është përmbytur apo mos do të ishte më mirë të kujtojmë se ka ardhur koha që edhe opozita të japë mendim për zgjidhje reale , njëherë e përgjithmonë të situatës .
Por dihet që opozita nuk mund ta zgjidhë situatën se në një shtet ku qeveris një qeveri që nuk di akoma se kë ka kundërshtar emergjent , por edhe në ditët më të vëdhtira të vendit , ka hapur megafonët të sulmojë opozitën dhe jo të merret me hallet qe ajo është e detyruar ti zgjidhë .
Megjithatë edhe Edi Rama dhe Partia Socialiste , herpashere , nuk rrinë pa krijuar atë që unë do ta quaja provokimin e radhës .Megjithse përmbytjet ndodhën që më 01.12.2010 , nuk u dukën afër banorëve , ashtu siç duhej , opozita në përgjithësi dhe kryetari i saj në veçanti ..
Dikush mund të thotë se ishte i zënë me mitingun në Elbasan, Berat e gjetkë .. Por kjo nuk ,justifikon asnjë .Me të drejtë Zoti Kryeministër dhe zoti zv/kryeministër , si zokonishtë gjetën gozhdën ku të varin zhaketën e tyre të bërë qull nga përmbytjet . Këtë gozhdë edhe njëherë nuk rreshti tua jepte vet kryetari socialist zoti Edi Rama , me mungesën e tij të madhe , në vendin e katastrofës dhe pse jo e fatkeqsisë kombëtare nga përmbytjet .
Vetëm dje kryetari socialist , shkoi në zonat e përmbytura dhe që aty , foli për një strategji , të përgjithshme për të nënshtruar Drinin dhe Bunën me qëllim që të mos kenë më mundësi përmbytjeje.
Pa mohuar , gabimet dhe neglizhencat deri ne kriminale të qeverisë dhe të gjithë koalicionit mbështetës , lidhur me fondet dhe punimet që duhet të ishin akorduar dhe bërë në Nënshkodër mbas përmbytjeve të Janarit 2010 , , mendoj se Edi Rama është me të vëretetë i vonuar ne propozimet e tij .
Buxheti shtetëror , i miratuar pra katër ditësh ,vetëm nga votat (73) të mazhorancës , nuk kishte fare parashikime për punime në Kaskadat e Drinit , në shtratin poshtë Kaskadave , dhe në thellimin e Bunës .Kjo gjë ishte e dukshme edhe më parë , para se të, diskutohej dhe votohej buxheti . Por nga Kryetari i grupit paralamentar Gramoz Ruçi ,dhe nga depudetët e opozitës , nuk u përfol fare një mungesë e tillë fatale në buxhed . Duket se si gjithmonë , opozita edhe në këtë rast ra në kurthin e zakonshëm të Berishës , duke bërë një"vetvrasje "..
Populli shqiptar tashme e ka parë dhe pse jo duket se e ka "pranuar" atë që opozita ka 15 muaj që e trumbeton: qeveria dhe Sali Berisha , nuk i kanë fituar zgjedhjet e 28 qershorit , por i kanë vjedhur ato . Mendoj se mesazhi i Madh u dha . Lufta e opozitës , ja arriti qëllimit , pamvarsishtë se qeveria dhe Berisha nuk duan tia dinë , por do t'ia di populli . Ndaj mendoj se ka ardhur koha që opozita ti përvishet punës , për t,iu kundervënë , institucionalishtë dhe kushtetutshmërishtë , kësaj qeverie me fakte dhe punë .
Nuk tregon risi të mirë në popull , kur Shkodra është e përmbytur tejemban , ku të shkosh nga Bahçallaku në Kafen e madhe të duhet varkë , ti shkon e bën miting në Berat ..
Kjo tregon më e pakta pa përgjegjshmëri për atë që ndodh . Vërtetë opozita nuk është fajtorë pasi qeveris qeveria , por ajo vet fajson veten para opinionit si e pa interesuar për hallet e popullit por për karriket që kanë humbur .
E hidhur por kjo është e vërteta ..
Propozimet që zoti Rama bëri nga Shkodra dhe Vau i Dejës , ishin shumë të mira . Por u bënë pasi i dha shkak makinës propogandistike të shpifur të qeverisë dhe të Berishës që të gjejë edhe njëherë rastin të "dalë fitimtar ", simbas tyre .
Pra mos shkuarja e opozitës në kohë në vendin e përmbytjes , dhe mitingu , në momentet e përmbytjeve , i japin rastin edhe njëherë Berishës dhe Metës , të gjejnë gozhdën ku të varin xhaketën e tyre të lagur qull, nga përmbytjet që ata vetë i kanë shkaktuar me paftësitë , veprimet dhe mosveprimet e tyre të përditshme në kurriz të Shkodrës dhe gjithë shqiptarëlve .
Këtë e dinë mirë shqiptarët tashmë ..

Qeveria është në kalë dhe nuk ka si ti lagen këmbët ..!!Ministri Meta , E shikon situatën , nga jashtë vendit , në televizor ...!!

TIRANË : 02/12/2010 .. Rastësishtë , u futa në disa saite , të ministrive shqiptare .. Më bëri përshtypje , se vetëm aktivitete arritje , dhe vetëm arritje pashë në to ..Përshtjellimin që ndjeva , nuk e fsheh që mu kthye në neveri , për papërgjegjshmërinë e këtyre njerzve , që padrejtësishtë vazhdojnë të drejtojnë këtë vend .. Nuk ka njoftime , për situatën , por flitet për "kodra pas bregut " apo si thërriste e "ëma e Zeqos majë thanës ". Pikërishtë kaq rëndësi kishin ato që pashë aty , duke pasur parasysh situatën ku ndodhemi .. ..

Faqja zyrtare e Ministrisë së Ekonomisë dhe Energjitikës flet dhe shkruan , vetëm njoftime mbi aktivitetet e ministrit Ilir Meta dhe asnjë informacion apo njoftim mbi atë se cfarë po ndodh në zonat e përmbytura dhe se si po administrohet situata e rënduar.

Megjithse , qeveria ka shpallur zyrtarisht gjendjen e jashtëzakonshme për shkak të përmbytjeve në zonën e Nënshkodrës dhe situatës kritike që është krijuar në kaskadën e Drinit, ministritë përgjegjëse në komunikimet e tyre me publikun reflektojnë një tjetër situatë.

Megjithë situatën dramatike , në zonën e Shkodrës , në faqen zyrtare të METE të Metës , flitet vetëm për arritje dhe as një fjalë për situatën ..Pra në situata të tilla këto njoftime janë mjaft të dobishme për publikun pasi informojnë qytetarët mbi akset e bllokuara, zonat e rrezikshme për të lëvizur apo dhe masat e tjera mbrojtëse që ata duhet të marrin.

Një tjetër ministri e përfshirë direkt në administrimin e situatave të emergjencës është ajo e Brendshme.

Por edhe në faqen zyrtare të saj, jo vetëm që nuk ka asnjë njoftim mbi gjendjen, por në ballë të saj qendrojnë ende akuzat e ministrit Basha për bashkinë e Tiranës mbi cështjen e bllokimit të trafikut në kryeqytet disa ditë më parë.

Po kështu edhe Ministria e Transporteve që monitoron akset rrugore ka vetëm informacione për aktivitetet dhe deklaratat politike të ministrit Olldashi.
Shkrime dhe njoftime boshe shikon edhe në edhe në Ministrinë e Bujqësisë, institucioni direkt përgjegjës për investimet dhe mirëmbajtjen e argjinaturave.

Ajo që u ngrin më shumë nervat , të prekurve nga fatkeqsia , është se e kanë bërë modë tashmë , që megjithse situatat janë dramatike , ata që janë përgjegjës dhe që duhet të m4enzhojnë ligjërishtë situatën janë jashtë shtetit " me punë "..
Pra flasim për situatë të të rrezikshme, në kaskadat e Drinit , por titullari i ministrisë që e menaxhon atë, kreu i Energjitikës Ilir Meta prej dy ditësh nuk ndodhet në Shqipëri, informacion ky i konfirmuar nga vetë zyra e shtypit të zotit Meta.

Ndonëse kjo e fundit nuk ka pranuar të japë detaje se për ku ka udhëtuar ministri, jozyrtarisht mësohet se ai ndodhet në Ceki dhe pritet të kthehet po këtë të mërkurë.

Rëndësi ka që ministrin e kemi mirë dhe nuk preket nga përmbytjet .. !!

Qeveria , pa mohuar se po përpiqet për menazhimin e situatës në përgjithësi ka përgjefjsinë maksimale që një vit tashmë nuk ka mrrë asnjë masë për punime ndihmuese dhe shtesë për rriparimin dhe funksionimin e Hidrovorëve , dhe ngritjen , me çfardo kosto të tre argjinaturave të domosdoshme , për drejtimin e ujrave , në raste të tilla emergjente ..

Por qeveria , është si gjithmonë në kalë dhe nuk i lagen këmbët ..!!

Dialogu i mashtruesit

15/12/2010 : Dialogu i mashtruesit .. Vargje humoristike nga Partizan Cene

U takuan diku , në tren nuk më kujtohet ,

Dy njerëz , nga jo i njëjti brumë ..

I pari ,filloi të flasë dhe të krenohet ,

I dyti , filloi të tregoi ,së di më shumë ..

- Jam unë ai që mund të të mbush mendt,

se nesër do të kesh të mira shumë ,

mos u beso të gjithve në këtë vend ,

se i lëshojnë premtimet lumë ..

- Nuk më the njëherë o njeri i perndisë.

me se merresh , çfarë pune bën ,

se me dukesh i fisshëm, i shoqërisë

dhe po më shet shumë mënd

- Duhet të kuptoni , zotri i nderuar ,

se vetëm ne nga krahu i jonë ,

dhe kjo gjithkund është shkruar ,

do të sjellim begati ,në vendin tonë ..

- Prap nuk më the në fillim o njeri i mirë .

me se merresh dhe ç'far pune bën ?

Më dukesh akull, kallup i shkrirë

ndaj po më thua fjalë pa vend ..

- Unë kam një punë shumë të nderuar ,

aq sa jo të gjithëve u buzëqesh fati,

puna ime është vet e uruar ,

nga qyteti , fusha dhe fshati ..

- As këtë herë s'më the o njeri i hasdisur

Ç'far pune ben dhe mos u bën i bezdisur ..

- ....Po kam një orë që të them o njeri për një mend

punoj mashtrues , ta ndryshoj këtë vend .!!

- Po folë o derzi që punon për ktë mbret

që na mashtron, gënjen , na blen dhe na shet ..

- Po ,por unë tani ,nuk kam me se të blej

sa të më jepni votën, gjithshka do të vlej

At'her do të kem dhe unë ,veç fjalve ,

mirësinë ...

nga ju bashkë o njerëz të ve pasurinë ... !!

***************************

Partizan Cene shkurt 2004 ..