Asnjë solidarizim shqiptarçe për tre të vrarë shqiptar në Mynyh!!

Nga PARTIZAN CENE
Jemi shqiptarë kemi shumë të mira, por kemi edhe të këqija shumë!

Dhe këtë nuk mund asnjëhere të mos ta tregojmë veçanerisht në anën tonë më të keqe. Më shkoqur dua të sqaroj se bëhet fjalë për ngjarjen e tmerrshme të Mynyh , ku gjetën vdekjen krahas të tjerëve edhe tre shqiptarë të mjerë që fati i çoi në vendin e gabuar dhe në orën e gabuar...
Sigurisht si fillim ndjej keqardhje dhe shpreh thellësisht ngushëllimet e mia e të familjes sime për jetët e humbura. Por, inati im është me shqiptarët në përgjithësi që megjithse për Shqipërinë dhe Kosovën ishte një ditë zie, askund dhe askush nuk reagoi ashtu si reaguan kur kjo ndodhi për shembull në Francë, ku profilet shqiptare u mbuluan me flamurin francez në shenjë solidariteti dhe ngushëllimi me viktimat e shumta që la dora e terrorit...
Mos ma merrni per xhelozi se pse flamurin francez e vunë në profilet e tyre , dhe atë shqiptar sot nuk e vuri askush. Pra, si shqiptar jam indinjuar nga bashkëkombesat e mi që kur është fjala për berihaj të rregullt nuk e bëjnë, por për tu dukur bëjnë edhe çudira shumë herë! Pra, asnjë solidarizim të paktën virtualisht, me një foto, me një flamur apo edhe me një klithmë ngushëllimi alla shqiptarëshe për veten tonë, ashtu si e bëjmë (dhe mirë bëjmë ) për botën!
Mund të ankohesha për qeverinë në Kosovë e Shqipëri ku nuk është shpallur akoma momenti i zisë kombëtare, por këto janë punë të thella qeverishë dhe siç e dimë ne qeveritë i kemi të zëna me punë (dhe .. vonojnë për të marrë vendime të tilla në rang kombi si ky i momentit tragjik). Me gjasë ata u mjaftuan që ngushëlluan Merkelin dhe kaq se ata që u vranë ishin nënështetas të Merkelit. Idiotësitë tona që askush nuk i kupton se janë gjithmonë edhe si idiotësi kundër rrymës.

Nga nëntë veta që u vranë në Mynih tre ishin shqiptarë. Kjo do të mjaftonte ta kishte çuar në këmbë kombin tonë përkrah tre familjeve të gjora, që humbën të dashurit e tyre!
U mprefshin në paqe !

Shkruan: Partizan CENE

Mbas takimit të treshes me pushtetin më të lartë në Shqipëri, Edi Rama, Lulzim Basha dhe dhe Ilir Meta, për të arritur konsensusin për Reformën në Drejtësi, të tre këta deklaruan se "gjithçka është gati" ! (por ka disa "formalitet teknike të vogla"). 
Mirëpo, a është vërtetë gjithçka gati për votimin e kësaj reforme ditën e enjte, 21 Korrik ??
Biles edhe kreu i Parlamenti nga ana e tij firmosi rendin e ditës, duke e bërë të pa kthyeshme votimin e paketës së kësaj reforme në këtë ditë!! Deri atëherë ne të presim të rrjedhin gjërat..!!
Por, sigurisht nuk janë gjërat kaq të thjeshta. Miratimi i kësaj reforme deri tani ka kaluar në labirinte të errëta mbas kuintalë dhe populli konkretisht , nuk di asnjë gjë për ato qe janë mundësitë më të mira për të. Presioni i pozitës dhe veçanërisht ai i opozitës, e kanë sjellë draftin në një nivel të tillë, ku janë plotësuar dëshirat e njërit apo tjetrit grup, ose janë plotësuar më saktë vetëm kërkesat e tyre, dhe askush nuk e di, se a do të jetë apo nuk do të jetë ky ndryshim, ai i pritshmi nga populli, dhe a i bën punë popullit, apo si gjithmonë do të jetë një ndryshim që u vjen për shtati politikanëve dhe kaq.
Shumëkush mund të thotë se ka një garanci pasi për herë të parë partnerët strategjik, SHBA dhe BE dalin garant që këto ndryshime Kushtetuese të bëhen në mënyrë të tillë që ti shërbejnë direkt popullit, duke i dhënë fund maskarallëkut shqiptar të quajtur " drejtësi ", ku korrupsioni dhe tarifat janë bërë gangrene për popullin dhe mos ndëshkimi është bërë mënyrë jetese për pushtetarët, kriminelët dhe "të fortët ".
Skepticizmi popullor për Reformën në Drejtësi që presim të votohet në 21 Korrik e rrit më shumë, pra ajo që thashë më lartë "dyert e mbyllura", bisedimet mbas perdes, komunikimet mes politikaneve të të gjitha krahëve nëpërmjet stilit pupulist, sharjet, kërcënimet mes tyre et.
Pikërisht këto e bëjnë të pa besueshëm deri në minutën e fundit procesin për du gjëra:
Së pari, a do ta votojnë apo jo opozita, dhe pse jo dhe LSI, e cila tani në fund ka filluar që të "tregojë dhëmbët", duke i bërë presion të hapur PS-së që të pranojë konsensusin me opozitën, pra më thjeshtë të bëjë lëshime ndaj opozitës, pasi kjo e fundit, jo që nuk lëshon pe, por përditë e ndërron variantin e saj "për konsensus", duke e shtyrë dhe zvarritur miratimin, deri tani që ka ardhur momenti i fundit, ai i së vërtetës...
Së dyti, flitet fort se ky draft ligj "për ndryshime kushtetuese" fillimisht është bërë mbi bazën e rekomandimeve të Komisionit të Venecias, dhe është i pranueshëm edhe nga partneret ndërkombëtar. Mirëpo, askush nuk ka botuar asgjë që të kuptojmë edhe ne populli se për çfarë ndryshimesh bëhet fjalë?
Biles janë bërë edhe ndryshime nëpërmjet pazareve politike, për ti ardhur përshtat opozitës dhe jo vetëm, dhe askush nuk di se a janë këto ndryshime ato që duhen?
Më shqip : Këto ndryshime, a do ta mbysin korrupsionin? A do ndëshkohen të pa ndëshkueshmit e deri tanishëm? etj.
Unë vetë jam optimist se do të ketë një ndryshim në sistemin e drejtësisë në Shqipëri, por jam pesimist që ky ndryshim të jetë ai që duhet ose maksimali i mundshëm që pres unë dhe shqiptarët të gjithë ku janë.
Pra, optimizmi im dhe i të gjithë shqiptarëve vazhdon të jetë i gjymtuar për këtë revolucion në drejtësi, siç trumbetohet nga politika sot...!
Nejse...harruam që akoma nuk i kemi gjërat të sigurta dhe në Vlorë thonë që "Pa pasur peshkun në dorë, mos e vet tiganin në zjarr".
Shpresojmë !

140 vota pro (...dhe dilemat e së nesërmës ..!)

Nga PARTIZAN CENE

 
Asnjë ligj në parlament nuk ka kaluar kurrë me një votim unanim, paçka se të para plagosur nga dredhitë politike të shumë qarqeve politike që nuk ishin dhe nuk janë dakord me Reformeën në Drejtësi .. ! Sot Raportuesi për Shqipërinë në Parlamentin Europian, Knut Fleckenstein ka dhënë lajmin se pas miratimit të Reformës në Drejtësi, do t’i kërkojnë Këshillit Europian hapjen e negociatave për antarësim të Shqipërisë...
Ky është lajm shumë i mirë për gjithe shqiptarët . Mirëpo, që të ndodhë kjo ka si gjithmon edhe kushtin solemn, pra zbatimin e Reformës në Drejtësi , dhe kalimin butë e qetë të pushtetit gjyqësor në të zgjedhurit dhe emeruarit e rinj, sipas Ligjit të ri Kushtetues që u miratua mbrëmë...!
Duket si diçka normale që nga nesër ose nga dita e enjte që vjen, Parlamenti të vazhdojë me miratimin e ligjeve, që do të përshtatin sistemin e ri të drejtësisë me këto ndryshime.
Mirëpo, për ne që jemi shqiptarë dhe që jetojmë me politikanët tanë e dimë shumë mirë se lufta për ta pasur tonën këtë Reformë fillon pikërishtë tani.
Kjo pasi shumë eksponent të politikës shqiptare e dinë shumë mirë se kjo reformë do të konventojë në dy gjëra shumë të rendësishme, ku të dyja këto gjëra (për ata që e dinë se "...kanë shkelur në dërrasë të kalbur ), do ti dëmtojnë...
Së pari nuk do të kenë më në dorë që ta manipulojnë drejtësinë ashtu siç kanë bërë deri tani këto 25 vjet post komunizëm.
Së dyti me përparimin dhe vënien në zbatim të ligjshmërisë që rrjedh nga kjo Reformë shumë nga këta janë të ekspozuar negativishtë përpara ligjit, dhe reforma nuk lë më vend për shmangie apo hatërllëqe.

Pra, janë këto "halle", që vijnë pas miratimit të Ligjit Kushtetues për Reformën që e bëjnë shqiptarin të jetë akoma skeptik dhe në dilemë, se si do të shkojnë punët në vazhdim.
Politikanët shqiptarë, kryesisht opozita , por edhe shumë ekzemplarë të mazhorancës e treguan agoninë dhe ankthin e tyre që në 24 orët e fundit para se të votohej në Kuvend kjo reformë.
"Lista e Zezë" e tundur para syve të depudetëve nga ambasadori amerikan i bëri të dridheshin të gjithë ata që e kanë "mizën nën kësulë", dhe lëviznin çdo gur, që reforma të vonohej ose për ndonjë mendje shkurtër edhe të mos votohej fare.
Kështu që duhet të presim dhe të shikojmë se sa do të zgjasë inercia e kundërshtarëve të kësaj Reforme dhe sa do të jetë këmbëngulja e politikës sonë për ta çuar atë deri në fund në emërimin e gjykatësit të fundit...!
Treni ka filluar rrugën...sado gurë nën rrota askush nuk do të mund ta ndalë atë që të shkojë në destinacion !!
Gëzuar Reformën në Drejtësi, Shqipëria ime e dashur !


 http://gazetainfopress.com/opinione/49610/140_vota_pro_dhe_dilemat_e_se_nesermes_