Era shqiptare , dhe gërthitja serbe

Nga Partizan Cene

Vetëm 10 ditë na ndajnë nga Samiti për Ballkanin , që do të mbahet në 28 gusht në Berlin , me inisiativën e kancelares gjermane Angjela Merkel .
Se çfar do të diskutohet në atë samit , dihet tashmë dhe media e ka bërë dhe po e bën publik për ditë.
Por në sy të opinionit evropian dhe atij ballkanik , po bie në sy kundërshtimi i serbëve , për një zgjedhje ideale për shqiptarët që , deklaroi zonja Merkel para këtij takimi .
Zyra e kancelares njoftoi se mbas samitit , ajo do të dalë në konferencë vetëm me kryeministrin e Shqipërisë , zotin Edi Rama .
Por kjo ka ” çmendur ” Beogradin .
Reagimi Beogradit ka qenë i menjëhershëm prej ku mësohet të jetë nisur drejt Berlinit edhe një reagim zyrtar me pretendimin se nëse Angela Merkel mund të përfaqësojë Gjermaninë e BE-së, në fund të mbledhjes mbi Ballkanin, kryeministri shqiptar nuk mund të flasë në emër të gjithë rajonit.
Pra jo thjesht nuk u pëlqeu serbëve , por ata shfaqin xhelozi të dukshme , duke u tmerruar nga një dominim politik i shqiptarëve në rajon ..
Dhe nuk ka si të jetë ndryshe . Zonja kancelare , i bën llogaritë të thjeshta ashtu siç janë duke pasur parasysh rrethanat politike dhe gjeografike të Ballkanit perëndimor : – Pra janë shqiptarët , një shumicë ligjvënëse në Ballkan , duan apo nuk duan serbët .
Kjo duket pasi ata kanë dy shtete të tyret , si dhe kanë gati 1/3 e ligjvënësve paralamentar në Maqedoni , si dhe përfaqsuesit e tyre edhe në Mal të zi dhe në Serbi . Pra Shqiptarët zotërojnë një shumicë politiko gjeografike të dukshme , ndaj , meqë zonja Merkel kishte planifikuar që në konferencë për shtyp të dalë me një përfaqsues të Ballkanit , nuk kishte si të vepronte ndryshe .
Nga ana tjetër , qeveria e Gjermanisë , dhe vetë zonja Merkel , po e ndjek me kujdes ecurinë e punëve në Shqipëri , dhe puna që kryeministri e qeveria shqiptare po bën , është e një mënyre krejt të re dhe ku priten rezultate të vyera . pra , pikërisht për ta inkurajuar akoma më shumë qeverinë shqiptare në luftën e saj kundër korrupsionit , drogës , krimit , dhe mbi të gjitha kundër varfërisë .!
Beogradi si gjithmon ka të drejtën e tij të kundërshtojë , por duke qënë se gjithmon ka qënë burim konflikti në rajon , tashmë duhet ta kuptojë se nuk ka më asgjë në dorë , veç të gëthitet dhe të gërthasë , duke e ditur edhe vet se nuk i dëgjon më kush !
Takimi i Berlinit për Ballkanin , është një erë e re e Evropës për rajonin , por mbi të gjitha është një erë e re për Shqipërinë dhe shqiptarët . Le të përfitojmë të gjithë së bashku , duke e inkurajuar qeverinë dhe kryeministrin për më të mirën , për vendin dhe popullin !