5 vendet më sekrete në botë

Nga një ishull i izoluar i Paqësorit pa ujë të rrjedhshëm tek një bazë spiunësh në Angli, këto 5 vende janë praktikisht jashtë vëmendjes edhe të udhëtarëve më kureshtarë
Gjërat më tërheqëse në jetë janë shpesh ato që shkojnë përtej kufijve. Dhe si udhëtarë kjo do të thotë se ne jemi të magjepsur nga vende që nuk jemi të lejuar t’i vizitojmë.

Svalbard, Norvegji

Imagjinoni një botë të ndryshuar përgjithnjë nga fatkeqësitë natyrore masive. Popullsia e Tokës e shkatërruar, infrastruktura e shkatërruar, burimet ushqimore të asgjësuara. Misioni i të mbijetuarit në Tokë më pas është: Rindërtimi. Në një skenar të tillë apokaliptik të inspiruar nga Hollivud, ku shkon një hero?

Futet në serën Svalbard në Norvegji, mundësia e fundit e njerëzimit kundër një krize ushqimore globale. E ndodhur 120 m brenda një mali ranor në ishullin norvegjez Spitsbergen, 1300 km nga Poli i Veriut, Sera Svalbard është vendi më i sigurtë dhe më i ruajtur për mbjellje në botë. I hapur në vitin 2008, kjo serë mbron të mbjellat e Tokës kundër katastrofës globale. Me më shumë se 250 mln lloje farash nga e gjithë bota të ruajtura aty, me mjetet e nevojshme, ajo ofron mostrat e farës që mund të humbin për shkak të ndonjë incidenti, dështimi pajisjesh apo fatkeqësisë natyrore.

Ka një arsye pse shkencëtarët zgjedhin Spitsbergen: ishulli nuk është tronditur asnjëherë nga aktivitetet tektonike dhe është 130 m mbi nivelin e detit, duke siguruar që vendi do të qëndrojë i thatë.

Nihau, Hauai
Nihau, ishulli më i vogël hauaian, duket të jetë arratisja ideale tropikale, pasi është shtëpi palmash të shumta, kafshësh të rrezikuara dhe virtualisht nuk ka turistë, por nuk është ashtu. Kjo për shkak se ky ishull 180 km katrorë është jashtë mundësive të vizitës.

E shitur nga Mbreti i Hauait Kamehameha në vitin 1863 tek familja e shquar Robinson, që ishin pronarë të pasur plantacionesh, ishulli është pronë që nuk mund të vizitohet që nga viti 1915. Jeta në ishull është pazakontë: afër 130 banorët e saj të përhershëm që janë me kombësi hauaiane, jetojnë pa qera, dhe ia dalin edhe pa rrugë të asfaltuara, shërbimet telefonike, hidraulike apo dyqane. Përdorin kuajt dhe biçikletat për transport, sigurojnë energji elektrike falë energjisë diellore.

Fëmijët në Nihau, marrin kanoe për të shkuar në shkollë. Edhe pse i vogël ishulli ka luajtur rol historik. Ishte pikërisht ky ishull kur një nga pilotët e avionëve luftarakë japonezë që sulmuan Pearl Harbour u përplas duke terrorizuar banorët. Në vitin 1944, Presidentin amerikan Franklin D. Roosevelt konsideroi këtë ishull si vend i mundshëm për ndërtimin e selive të Kombeve të Bashkuara.

Kodra Menswith e Forcave Ajrore britanike, Angli
Nëse James Bond do kishte një bunker të fshehtë, do të ishte ky. Një bazë ushtarake në North Yorkshire, Angli, RAF Menwith Hill besohet të jetë stacioni më i madh elektronik i monitorimit në botë. Aty grumbullojnë informacione për Mbretërinë e Bashkuar dhe Shtetet e Bashkuara. Baza sekrete u ndërtua në vitin 1954 për të monitoruar komunikimet e Bashkimit Sovjetik gjatë Luftës së Ftohtë.

Askush nuk e di me siguri si baza përdoret sot, por thuhet se heton veprimet ndërkombëtare terroriste dhe tregtinë e drogës, dhe vepron si një stacion për satelitët amerikanë. Besohet gjithashtu që të ketë lidhje me ECHELON, i njohur gjithashtu si Pesë Sytë, rrjeti global spiun i përbërë nga Australia, Kanadaja, Zelanda e Re, Britania e Madhe dhe SHBA.

Nuk ka asnjë mënyrë për të parë brenda punët e brendshme të kësaj selie spiunësh. Të vetmit njerëz që lejohen të hyjnë këtu janë anëtarë të NSA (Agjencia e Sigurisë Kombëtare) dhe ECHELON.

Arkivat sekrete të Vatikanit
Ndoshta biblioteka më private në botë, Arkiva sekrete e Vatikanit nuk është një bibliotekë e zakonshme. Ajo përmban dokumentet personale të të gjithë Papëve që datojnë që në shekullin e 8-të.

E mbyllur për të gjithë ata që nuk janë pjesë e stafit të Vatikanit, nga viti 1881, arkiva mban dokumenta sekrete të kyçura, me një proces të gjatë dhe kompleks të aplikimit për ata që duan t’i shohin këto sekrete. Vetëm dijetarët e kualifikuar mund të aplikojnë për kartat e hyrjes. Aplikimet duhet të përfshijnë informacion personal rreth dijetarit, me qëllim të hulumtimit të tij ose të saj, dhe një letër hyrëse nga një institut i kërkimeve në hulumtimet historike. Edhe në qoftë se një dijetari i lejohet hyrja, arkivat janë të shumta: ka rreth 85 km me sirtarë që mbajnë mbi 35 mijë volume.

Ndër thesaret historike që mbahen në arkiv janë transkriptet e shekullit të 14-të nga gjykimi i Kalorësve Templarë; korrespondencë nga Mikelanxhelo dhe Abraham Linkoln, dhe thirrja e Papës në vitin 1198 për një Kryqëzatë të Katërt në Tokën e Shenjtë.
Zona 51, Nevada
Çfarë ndodh në Vegas mbetet në Vegas. Dhe e njëjta gjë mund të thuhet edhe për një vend të fshehtë që gjendet rreth 80 milje në veri. Zona  51, një term i përdorur për herë të parë në një dokument të CIA-s gjatë Luftës në Vietnam, është një bazë ushtarake dhe ajrore që është e njohur për të mbajtur shumë sekrete të shtetit.

Çfarë ndodh atje? CIA nuk do të japë hollësi, e cila është arsyeja pse është plot me teori  konspiracioni. Të gjitha aktivitetet në Zonën 51 janë konsideruar sekret dhe qasja është e ndaluar rreptësisht për të jashtmit. Edhe pse shumë njerëz përpiqen./BBC/

10 fakte të pabesueshme rreth trurit

– Impulset nervore nga dhe drejt trurit lëvizin me një shpejtësi prej 274 km/orë. E keni pyetur ndonjëherë vetën se si mundeni të reagoni kaq shpejt ndaj ngacmimeve rreth jush? E gjithë kjo realizohet falë super-shpejtësisë së impulseve nervore që kalojnë nga truri te pjesa tjetër e trupit dhe anasjelltas. Këto reagime janë po aq të shpejta sa një makinë luksoze sportive.
– Truri funksionon me të njëjtën sasi energjie sa një llambë 10 vat. Madje edhe kur jeni në gjumë.
– Qeliza e trurit të njeriut mund të mbajnë 5 herë më shumë informacion sesa “Encyclopedia Britannica”. Shkencëtarët ende nuk e kanë përcaktuar përfundimisht, por mendohet se kapaciteti i magazinimit të trurit në terma elektronikë mendohet të jetë mes 3 dhe 1000 terabajt. Arkivat Kombëtare të Britanisë, të cilat mbajnë mbi 900 vjet histori, zënë vetëm 70 terabajt, çka tregon fuqinë mbresëlënëse të trurit tuaj.
– Truri përdor 20% të oksigjenit që hyn në gjak. Truri përbën vetëm rreth 2% të masës sonë trupore, por konsumon oksigjen më shumë se çdo organ tjetër, çka e bën jashtëzakonisht të ndjeshëm ndaj mungesës së oksigjenit. Ndaj merrni frymë thellë për ta mbajtur trurin “të lumtur” e duke “notuar” në qeliza të oksigjenuara.
– Truri është shumë më aktiv gjatë natës sesa ditën. Logjikisht mund të mendoni se hallakatja, llogaritë e vështira dhe marrëdhëniet e ngarkuara çdo ditë gjatë orëve të punës duan më shumë energji se, fjala vjen, të shtrirët në krevat. Megjithatë, e kundërta është e vërtetë. Kur ju pushoni, truri “ndizet”. Shkencëtarët ende nuk dinë ta shpjegojnë këtë, por mund t’i faleni punës së palodhur të trurit tuaj gjatë gjumit, për ato ëndrrat e këndshme që shikoni.
– Sa më të lartë ta keni koeficientin e inteligjencës, aq më shumë ëndërroni. Ndërsa kjo mund të jetë e vërtetë, mos e merrni si mungesë inteligjence faktin që ndonjëherë nuk arrini t’i kujtoni ëndrrat. Shumica prej nesh nuk i mban mend, pasi kohëzgjatja mesatare e një ëndrre është 2-3 sekonda, e pamjaftueshme për t’u regjistruar në tru.
– Neuronet vazhdojnë të rriten përgjatë jetës. Për vite me radhë shkencëtarët dhe mjekët mendonin se truri dhe indet nervore nuk mund të rriteshin apo përtëriheshin. Ndryshe nga indet e shumë prej organeve të tjera të trupit, neuronet rriten përgjatë gjithë jetës suaj. Ky zbulim hap një dritare të re në studimin e trurit dhe sëmundjeve që e prekin atë.
– Informacioni lëviz me shpejtësi të ndryshme në lloje të ndryshme neuronesh. Jo të gjithë neuronet janë njëlloj. Disa mund të transmetojnë impulset me rreth 0.5 metra/sekondë, disa të tjerë me 120 metra/sekondë.
– Truri në vetvete nuk mund të ndiejë dhimbje. Ndërsa truri mund të jetë qendra e dhimbjes kur prisni gishtin apo digjeni, në vetvete ai nuk ka receptorë dhimbjeje dhe nuk mund ta ndiejë atë. Por kjo nuk do të thotë se nuk mund t’ju dhembë koka. Truri është i mbështjellë nga shumë inde, nerva dhe enë gjaku, shumë të ndjeshme ndaj dhimbjes e që mund t’ju bëjnë t’ju buçasë koka nga dhimbja.
– 80% e trurit është ujë. Truri nuk është ajo masa e ngurtë gri që keni parë në televizor. Indi i gjallë nervor është një organ i squllët, si xhel ngjyrë rozë, falë përqendrimit të madh të gjakut dhe ujit. Ndaj, herën tjetër kur ndiheni të dehidratuar, pini diçka që ta ndihmoni trurin.