SHQIPERIA NJE VIT NE NATO ..

Marre nga bbc.. Pershtati Partizan Cene

Në Shqipëri, ndërsa qeveria përgatitet të festojë 1 vjetorin e hyrjes së vendit në NATO, opozita thotë se kjo ngjarje e gjen vendin në protesta.

Bulevardi kryesor i Tiranës, “Dëshmorët e Kombit” ka ndryshuar në mënyrë të papritur 24 orët e fundit.

Ai është kthyer në një arenë feste pasi autoritetet kanë vendosur të festojnë 1 vjetorin e pranimit të Shqipërisë në NATO.

Në sheshin midis presidencës dhe Pallatit të Kongresve, priten mjaft evenimente festive.

Duke përshëndetur 1 vjetorin e hyrjes së Shqipërisë në Aleancë, kreu i qeverisë Sali Berisha tha se ky akt ishte një inkurajim i jashtëzakonshëm për institucionet dhe shoqërinë shqiptare për të ndërmarrë reforma transformuese.

Por kreu i opozitës, Edi Rama tha se viti pas hyrjes së Shqipërisë në NATO ka qenë plot padrejtësi të bëra nga qeveria karshi vullnetit të lirë të popullit për transparencë.

Sipas zotit Rama parimet e aleancës janë shkelur ndaj dhe opozita nuk do t'i ndalojë protestat për votën e lirë".

Ndaj edhe kjo festë, 1 vjetori i pranimit të Shqipërisë në NATO ashtu si dhe shumë festa të tjera i ka gjetur shqiptarët sërisht të ndarë.