Një ndodhi , një " sekret "

Tregim nga Partizan Cene 


( Ngjarje reale e treguar)

Kishte disa ditë që Telua punonte  në zbukurimin me veshje guri të një vile  , në një fshat të largët , në periferi të Athinës ..
Megjithse vetëm 25 vjeç , ai si mjeshtër guri , ishte ndër ustallrët më të kërkuar në zonë .  Por ashtu siç e kanë mjeshtrat e mëshenj , edhe Telua ja merrte këngës" nën zë e mbi zë ", duke dashur kështu që të largonte lodhjen dhe të rregullonte gjendjen e tij shpirtërore .. Përballë vilës  që po ndërtohej , ishte kisha e madhe e " Shën Antonit " , ku ritualet fetare ishin të zakonshme , dhe " kënga" e papallarëve dhe psaltëve klerikë , e mbyste gjithmonë , "pëshpërimën " këndore të mjeshtrit shqiptar ..
 Kur mbaronte rituali i kishës , dhe fikeshin megafonët e saj , Telua , ngrinte zërin si pa dashje , dhe kumbimi melodioz i populloreve shqiptare , e freskonte  ambientin ku  zëri i  tij i bukur , akoma më shumë e pastronte   atë nga thirrjet fetare të  konsumuara dhe të dëgjuara kaq e kaq herë .. !

Ky zë melodios , megjithëse ishte fare i pafajshëm dhe aspak i qëllimshëm , tërhoqi vëmendjen e priftit të kishës , Papa Serafin ..!!
Kështu papai i kiishës , një ditë që ishte i lirë iu afrua mjeshtrit shqiptar :
- Mirdita biri im .. !!
- Mirdita Papa , iu përgjigj Telua , duke ndaluar punën..
- Dëgjova që po këndon bukur . Ke zë melodios biri im , - vazhdoi bisedën Papa Serafini , dhe ndërkohë sodiste punën e bukur , që mjeshtri i ri  kishte bërë  !
Telua , i ndiqte me vëmendje lëvizjet e papait grek , me shpresë se ky kishte ardhur për ti ofruar ndonjë punë guri në kishën ku shërbente ..
Meqë Telua nuk po fliste , dhe prifti , nuk e zgjati shumë dhe i tha , krejtë pa pritur :
-Sikur të vije dhe të psalje ( këndoje pjesë të biblës ) në kishë , çdo të diel dhe sa herë të tjera kur ka ritual ?? - tha prifti , me shpejtësi , sikur donte të mbaronte shpejtë punë ..
-Hahahaha, qeshi Telua ..
- Merre seriozishtë biri im .. Kemi nevojë për psalt këtu në kishë , dhe nuk po gjejmë një të hajrit , i thotë Papa Serafini të riut shqiptar ,duke shtuar : - Do të paguhesh 50 euro për tre orë , dhe kjo mund të jetë 20 ditë të muajit ..Ka kohë që po largohen besimtarët nga kisha jonë e madhe , se nuk dëgjojnë një psalt sot e disa vjet ..
Kështu i thoshte papai , për ti ngritur mendjen dhe me shpreë se oferta ishte shumë e mirë dhe e pa refuzueshme ..
Për Telon kjo ishte , një shaka e pa vlerë ndaj nuk e zgjati :
- Papa , po a e di ti se unë jam mysliman ??- I thotë ai duke qeshur ,si për ta hequr qafe ...
- Shshshshshstttt , mos thuaj gjëra të tilla biri im , se nuk është mirë ..
- Si nuk është mirë , po unë ashtu jam . A lejohet që të psalin në kishën orthodokse , myslimanët ??
- Biri im !! Harroje atë gjë .. Ne nuk do tu themi të tjerëve , do ta kemi sekretin tonë.. E kujt i shkon në mendje kjo gjë ?? - këmbënguli  papai .
Kaq u desh që të thoshte papai grek , dhe Telua ja dha gazit me forcë , aq sa nuk e vuri re , që Papa Serafini ishte larguar mbas së qeshurës së të riut , nga sytë këmbët , se mos i dilte " sekreti" që deshi të lidhte me ustain  i ri nga Alvania ... !!

Janar 1999