Sot ditë e bukur , dhe me diell në Athinë , por kjo megjithatë ,nuk e ndihmon jetën të rrjedhë e qetë , pasi shpirtrat nuk janë të qetë .. !
Kudo që hedh syrin shikon mjegull , pa siguri , mjerim , kundërshti , grumbullime , bërtitje ,trokitje ,thyerje , ndalim ,arrestim ,tym , përleshje , izolim ,shpërqëndrim dhe ...errësirë , nën dritën e fortë të diellit ...!
Në Tiranë Big Bradher , po rrjedh në detin e math të shpërqëndrimit ,degëzimin e shtatë të lumit të tij të math !!
Ndërsa në Athinë sot emigrantët, mund të gjejnë gjithshka , edhe premtime nga qeveria , edhe kartën e Digitalb-it , për Big Bradher-in ,por jo punë , jo rrogë , jo qetësi ,jo lumturi , jo ngrohtësi jo shpresë .. !
Kjo e fundit , thonë se vdes pasi i ka vënë përpara të gjitha të tjerat .. Por duket se nuk është gjithmonë kështu . Shpresa për emigrantët shqiptar , duket se lëngon gjatë , shumë gjatë .
As nga kazanët ku gatuhet politika në Tiranë e as ,nga tenxheret në Athinë ku ajo kryposet keq dhe nuk shkon kurrë poshtë , nuk duket se do të ketë diçka që mund ta ushqejë shpresën tonë , në periudhën më të zymtë për të gjithë ata që bukën e nxjerrin me gjak e djersë ..
Por së fundmi , papunësia dhe skamja janë " ngushëllimi dhe shpresa e vetme që kanë emigrantët shqiptarë në Athinë dhe gjithë Greqinë ..
Nuk është klithmë pesimisti , por kambanë e fortë ..që mbase do të dëgjohet deri në Tiranën , sa të afërt aq edhe të largët .. !!
Qielli i blujtë , përpiqet të buzëqeshë , duke treguar kështu , se kurrë nuk do ti tradhtojë shpirtrat ..
Partizan Cene
Athinë 2 Mars 2014
No comments:
Post a Comment