Misionaret dhe shkëndia në fund të tunelit …!!!
Për mbarë popullin shqiptar që e priste me shumë kureshtje , misioni i përfaqësuesve Evropiane për krizën ishte jo vetëm një dështim .. por edhe një kthim prapa , për hapat që kishte marrë puna , në tryezen e Presidentit Topi .
Të dërguarit e Europës ,ju shmangën në mënyre ideale , shkuarjes në atë që i themi qendra e krizës , pra hapja e kutive të votimit të 28 qershorit 2009. Kjo u shoqërua edhe me një gjë tjetër shumë më e keqe , me atë që ata nuk përmendën asnjë fjalë kundër mazhorancës dhe kryeministrit autoritar , sikur ti trembeshin këtij të fundit ..
Bile u dha përshtypja sikur vetë Berisha me Topallin , e kishin thirrur përfaqësinë e KiE-se për ti kërkuar llogari , pse nuk e çon opozitën në parlament ..Pra , u krijua përshtypja sikur, të dërguarit nga Europa , nuk kishin erdhur për të kontrolluar mazhorancën dhe qevrinë Berisha , por sikur ishte e kundërta .. këta të fundit do të kontrollonin miqtë europjane .!!
Kjo u duk edhe nga deklarata e Cavushoglu,kreu i Asamblesë , që aty ku pritej një deklarim të paktën asnjëanës .. ai theksoi : ” Opozita, të kthehet në parlament ”…Kjo e keqësoi gjendjen e krizës dhe nuk ndihmoi aspak në gjetjen e një zgjidhjeje ..!!
Megjithëse Berisha dhe ata që i fryjnë borive të tij , fërkuan duart me ikjen e përfaqësuesve të Asamblesë së Këshillit të Evropës , shija e hidhur tek të gjithë shqiptarët ; pro dhe kundër llogjikës së opozitës , si dhe shumë të tjerë më pak të pozicionuar në ndonje krah,ndien shijen e hidhur si gjithmonë nga ajo çka presin shqiptarët nga Europa . !
Por në fund të tunelit ka edhe dritë .. Në tunelin e errët të krizës politike që po kalon Shqipëria , Partia socialiste , dha një shkëndije drite , duke u paraqitur e bërë betimin në Parlament .
Por për çudi edhe ky veprim , shumë pozitiv , u prit me ankth dhe me një shijë jo të këndshëm , nga shumë përkrahës të opozitës .Kjo vjen për shumë aresye .. por më e thëna është se mos në këtë rast ka një devijim te Lidershipit të PS -së ,nga lufta dhe përpjekjet e opozitës , transparencë të plotë të zgjedhjeve të qershorit ..
Veprimi i opozitës , në këtë rast , dhe duke pasur parasysh se si erdhën ngjarjet ,ishte jo vetëm i zgjuar por edhe shumë konstruktiv .. Pse e themi këtë :
1 – Ishte veprim i zgjuar pasi , në datën 5 mars , përmbushej afati , ligjor , në bazë të kushtetutës , për të bërë betimin depudetët në parlament .. Kjo i jepte mundësira , ustait te çaçakave,zotit Berisha , dhe tellallit të tij Topallit , që të niste qoftë edhe formalisht , shantazhin me mandatet … Nuk ka rëndësi se si, por ka rëndësi që ky veprim do të hiqte vëmendjen e opinionit popullor në Shqipëri nga qëllimi madhor i opozitës , duke e banalizuar në një problem krejt ordiner, ose shqiptarçe ta themi: ”e lagu , nuk e lagu ”..
2-Me marrjen pjesë në seance plenare të Parlamentit , opozita ka mundësinë që ti mbyllë gojën tellallit se po bën politikë jashtë parlamentit dhe kërkon një nismë ligjore që zgjidhet vetëm në parlament .. Ky ishte një ngerc që i dha mundësi edhe Berishës që para europianeve.. ta skematizonte çështjen në atë që nuk ka ligj .. Ndaj opozita i dha mundësi mazhorancës , që të reflektojë dhe të mos ketë më asnjë pengesë ligjore .Këtë e bëri PS me dy nismat ligjore që paraqiti në kuvend për miratim ..
Pra megjithëse Presidenti pasi mori ”urdhër” nga Europa , bëri të pa mundurën për të sjellë opozitën në parlament dhe përfaqësuesit europjanë dështuan në ndihmën për dhënies fund të krizës .. ishte vetë PS ajo që e ka lënë tani një qind përqind në dorë të mazhorancës dhe Berishës vetë , që të mbajë opozitën në Parlament .. Pra nuk ka më asnjë justifikim para popullit dhe para Evropës për këtë katastrofë politike që ka mbjellë në Shqipëri .. !!
Shqiptarët e kuptuan edhe një herë , se Europa po të dojë mund të”bëjë ” shumë gjëra të ”mira ”për Shqipërinë .. dhe shqiptarët .. Kjo do të duket shumë shpejt me liberalizimin ose jo të vizave … le të presim .. dhe vetëm të presim .. !!
No comments:
Post a Comment