Qeshja e vrazhdë e Hënës ..

Tregim nga Partizan Cene

Kishte dia minuta që era e fortë kishte pushuar .Errësira e natës kishte mbuluar vendin  . Kjo ndihmohej edhe nga retë që kishin mbuluar qiellin , dhe Hëna megjithse e plotë , nuk ndriçonte po thuaj fare .
 Makina gumëzhinte duke iu ngjitur pllajls së malit . Në sendiljen e pasme flinte në prehrin e së ëmës  vajza ime pesë vjeçare . Por edhe mamaja e saj dremiste , duke e tundur kokën e mbështetur tek sendilja , sa andej këndej .
Muzika që dëgjoja në kasetofonin e radios , ishte shumë shlodhëse ndaj dhe unë kisha filluar ta shijoja , më shumë se kafja që thithja herë mbas here nga aty ku e kisha vendosur ; në pjesën e majtë të kroskotit . Mendimet përpiqesha që ti largoja nga mendja , pasi rruga ishte shumë e thepisur dhe me kthesa të shumta . Kështu që edhe përgjegjësia e ime si shofer ishte shumë e madhe në këtë orë të vonë të natës . E vetmja gjë që shponte gjithmon në mendjen time , ishte pikërishtë rruga e keqe deri sa të kaloja e të zbrisja poshtë Qarën e Muzinës .
 - Kujdes shpirt , se kemi edhe vajzën .
 Me këto fjalë që tha gruaja ime e përgjumur , u prish përqëndrimi im për një moment , dhe u përgjigja thatë :
-Fli , mos ki merak .
Kur po i afrohesh për disa kilometra Qafës , në pikën më të lartë , diku aty në horizont , u ndes e u fik , një dritë e zbehtë , si dritë e një kandili të mirë .
 Nuk i kushtaova rëndësi dhe vazhdova ti jepja gaz makinës, dhe të bëja kujdes tek timoni , deri sa të mbaronin ato kthesa të ngushta dhe të forta . Por pa kaluar disa çaste , drita u përsërit si ritual , duke u ndetur e u fikur disa herë .
Nuk e di pse në këto çaste , mu kujtuan historitë me difersantë , kur ata bënin dhe merrnin shenja me elektrik dore , duke e përdorur këtë si ndërlidhje me shenja ..!
Vazhdonte rruga dhe në një moment  dola në një të drejtë malore . Në këtë rast , e dallova tashmë , akoma më afër dritën para meje .
Duke qënë se ishte  orë e vonë e natës  ( kishte kaluar ora 12 ) , rruga ishte pothuajse bosh nga makinat e tjera . Ndaj dritën e mora si një shenjë të vërtetë , të dikujt që kërkonte ndihmë . !
Duke u afruar , pashë se drita rriste potencialin e saj ndriçues, dhe ndizej e fikej më shpesh . Kur u afrova në një pjesë ku rruga zgjerohej ndjeshëm , vendosa të ul shpejtësinë e të shikoj se çfar ka ngjarë . Drita filloi tashmë të qëndronte e ndezur , dhe po lëvizte me shpejtësi sa majtas djathtas duke tregua një shenjë të saktë . Personi që e tundte dritën më zuri rrugën duke çuar edhe dorën tjetër ku nuk kishte dritë . Me duart lart ai foli vetëm një herëfort sa e dëgjova brenda kabinës : - Të lutem ndalo .. !
Pasi ndalova qetësisht , ula pak xhamin tim , dhe bëra të nxjerr kokën jashtë . Pa e nxjerrë të plotë kokën , një gjë e ftohtë më ftohu pjesën poshtë veshit . Menjëherë e kuptova se po futesha në telashe . Duke hedhur një sy drejt gruas dhe vajzës që flini gjumë . Fola me zë zë lartë si të doja që ti zgjoja edhe ato :
- Kush jeni ? Çfar doni ?.
Pyetja e ime nuk mori përgjigje , por një urdhër i prerë u dëgjua nga pak më larg se nga gjëja e ftohtë :
- Dil nga makina me duart lart . Ky ngulçim zëri ,  emetoi një drithërimë në kraharorin tim . Pasi tentova  të tërheq kokën brenda , ula menjëherë siguresën dhe shkela butonin e xhamit . që të mbyllej .
Por nga lëvizja e atij që më mbante pushkën tek veshi , e kuptova se nuk ishte ide e mirë .
 Menjëherë , hapa derën dhe dola jashtë . Sa prekën këmbët në tokë , u dëgjua nga brenda një klithmë e gruas sime :
- Bo bo bo , kush janë këta , pse zbret ??
- Ne jemi kontrolli rrugor , moj zonjë , por do bësh mirë që të zbresësh edhe ti . Do tju kontrollojmë dhe gjithshka do të shkojë shumë mirë .
Pasi dëgjova zërin , mora guximin të çoja kokën dhe të shikoja atë që foli , në fytyrë . Por ishte e pa mundur . Para meje qëndroni dy burra , pak më të gjatë se mua ,  me maska në fytyrë dhe të dy me nga një armë në dorë .
Megjithse  nata ishte e vërenjtur , Hëna kishte filluar të shplante me rrezet e saj të zbehta pejsazhin para meje . Pamvarsisht situatës ku ndodhesha , ai moment shërbeu për të parë qartë bukurinë e vendit ku kishim ndaluar .Pa e kuptuar fillova t; filozofoj me mendje, si do të ishte ai vend në ditë me diell në Pranverë..!
 Kaçubet e ulëta të shkurreve , dhe rrëpirat e thepisura në të dy anët , rriheshin , bukur nga dritësia e zbehtë e Hënës . Pra dukej se veç atyre "konrollorëve" të rrugës , kishim shokë edhe peisazhin e bukur , që qoftë edhe një çast , një fragment të vetëm kohë , më largoi ndjesinë nga telashet e mëdhaja që më futi , ai ndalim i pa dëshiruar në këtë rrugë .
Të gjitha këto mendime kaluan flash në mendjen time dhe ja lanë vendin realitet .
 - Ju lutem më thoni çfar kërkoni . Unë jam me familjen ,po vij nga Saranda dhe po shkoj në Vlorë , gënjeva unë , pasi në të vërtetë po shkoja në Greqi , aty ku jetoja dhe punoja me familjen time .
- Zotëri unë , ndalova , se mu duk se kishit nevojë për ndihmë ..!!
Të gjitha këto i thashë shpejtë si gjinkalla që e ngatërron këngën kur fillon të fluturojë . Kështu që edhe unë thashë aq sa ,do të doja të më linin të ikja ..!
- Hahaha , qeshi njëri nga maskaxhinjtë , dhe duke zgërthitur me zë të ulët , më tha :
Shumë mirë e ke menduar , ne kemi nevojë për ndihmën tuaj .!!! Tashi na jep paratë dhe gjithshka të vlefshme që ke , dhe kështu na ke ndihmuar ne të " vobektëve " ....!
 E gjithë ngjarja , që nga fillimi dhe deri ather ishte një makth , por kjo që tha ai , që u zgërdhi , ishte një kapak i rëndë në ato që kishin akumuluar sytë dhe veshët e mi deri në ato çaste .
 Hezitimit tim iu shtua edhe frika e madhe që kishte kapur gruan time , e cila qëndronte në këmbë si statujë , dhe megjithse nuk e kisha mundësinë ta shikoja fytyrën e saj , e kutoja se ajo ishte e njëjtë me fytyrën e një kufome . Dhe vazhdoi pak si gjatë hezitimi im , për tu përgjigjur tek " kontrollorët e rrugës" , aq sa filloi ti nevrikosë ata .
- Shiko shoku, mu drejtua i pari me pistoletën në dorë , ne i kryejmë këto punë shpejt e shpejt , ti më dukesh se po vonohesh shumë , dhe kur ka vonesa të tilla , ne vëmë në zbatim , "panin B". Pra të të jap të kuptosh ti , edhe disa çaste do të presim dhe pastaj ke dy plumba në kokë , dhe do të zgjohesh në botën tjetër , i bërë shkrumb brenda në makinën tënde ti bashkë me gruan ...Këtu kuptova se ndoshta nuk e kishin parë akoma vajzën time të vogël që flintë në sendiljen e pasme .!
 Fjalët e tij ishin një çekan i rëndë që qëllonte pa pushim zemrën time . Kjo e fundit, sikur donte të regonte ndaj goditjeve , prandaj dhe vazhdonte të rrihte më me forcë , dhe të lëvizte sikur donte të dilte nga kraharori .
Në këto rrethana , veshët e mi kapën një thirrmë të lehtë mjaftë të njohur e të dashur . Ishte Eva , vajza e ime e cila ishte zgjuar nga gjumi .!
 Ajo sa e pa makinën bosh brenda , doli menjëherë jashtë e tmerruar , duke bërtitur : Mamiii , babi  ku jeni .
- Këtu jemi shpirt mos u shqetëso , ja do të ikim tashti . Prit pak .
 -  Babiii , mamiii pse kemi ndaluar , këmbëhguli , të dinte ajo .
- Po çupë e vogël , do të ikni , ja sa babai të mbarojë një punë me ne , i tha ai tjetri që mbante në dorë një automatik ku drita e makinës më ndihmoi të shkoja të  dy krehrat , të lidhur me një shirit ngjitës , ngjyra e të cilit nuk dallohej  qartë .
 Vogëlushja  menjëherë u afrua tek mua dhe ,në momentin që unë hapa krahët që ta merrja , ai tjetri që më kishte drejtuar pistoletën , e mbërtheu me të dy krahët vajzën dhe e tërhoqi fort , duke e çuar disa hapa larg . Ndërkohë , ai që kishte automatikun , mu drejtua se mos unë bëja ndonjë lëvizje .
Eeva , i thirri fort atij që e kapi :
- Eeeee , babi është imi , dua babin tim , ku është mami , aaaaa.. Babin kam xhan , ty nuk të dua fare aaaa.. Këto dëgjoi mamaja e fëmijës që arriti më në fund të zgjohej nga " letargjia " e momentit që e kishte kapur
 Dhe në këtë moment gruaja  e cila deri atëher ishte ngrirë dhe shtangur nga tmerri , e shtyu fort atë që kishte automatikun sa ai ra në shesh dhe pushka i iku nga dora disa hapa larg .
Me një lëvizje të shpejtë , sikur të isha gati ta bëja , arrita ta merrja pushkën  dhe menjëherë ia drejtova atij që kishte në dorë vajzën time . Ai u shtang dhe pasi ngriti duart lart , pushka u shkrep e ngritur lart në ajër . Me shkrepjen e armës , ky tjetri ,la armën e tij në shesh dhe  iku me vrap nga mali ,duke i kaluar dy shkurret e para me kërcim , aq sa munda të shikoja unë nën dritën e zbehtë të Hënës . Mbas tij  u vërsul edhe tjetri , i tmerruar edhe ai , duke kthyer disa herë kokën mbrapa , që të sigurohej se unë , nuk po e merrja shënim me automatik .
 Instiktivisht ngrita kokën përpjetë , si për të thithur më shumë ajër , kur në qiell pashlë Hënën të qartë , e cila kishte përfituar nga largimi i reve , dhe tashti qeshte vrazhdët . Kjo më pëlqeu , pamvarsisht se nuk e kuptova , po qeshte me mua apo me " trimërinë " e atyre kontrollorëve me maska , që tashmë ishin larguar thellë në errësirën e natës !
- Shyqyr që ramë në frikacak , bëlbëzita lehtë ..
Prania e armës në dorën time , solli një rigrupim të forcave të mia fizike dhe mendore , sa që , si për " ta festuar" , e shkrepa automatikun një herë me një breshëri disa plumbëshe , e cila  gërvishi ashpër qetësinë e madhe të asaj nate shtatori ..!
 Nuk mund ta besoja , se ata "trima " me armë do të mund ti largoja në atë mënyrë , kaq amatoreske . Por ishim me fat , që ramë në kriminelë amatorë , të pa përgatitur dhe pse jo edhe frikacak . Për këtë i lutesha fatit tim që shpëtova vetë dhe shpëtoi familja e ime ..!
Për pak çaste , mbretëroi përsëri qetësia , e cila si një perde e brishtë ledhatoi shpirtin tonë kaq të traumatizuar nga ajo ngjarje e pa pritur . Kjo gjë nuk zgjati shumë , pasi në horizont poshtë , u dukën disa drita që lëviznin  , të cilat tregonin qartë që , një makinë po i ngjitej Qafës së Muzinës përpjetë .. Duke parë dritën , po më shtohej dilema , mos ishte ndonjë peripeci e re , ndaj përqafova fort gruan dhe vajzën dhe u thashë të futeshin shpejt në makinë e të largoheshim nga aty .
Vendosa automatikun në pjesën e mbrapme të sendiles sime , dhe makina filloi të lëvizë në rrugën e përpjetë drejt Qafës .
 Nuk kishte kaluar as disa qinra metra , kur makina që kishim parë aty poshtë , u afrua , dhe pasi na parakaloi ,  ndaloi disa metra më lartë .
Nuk pata kohë të bëj asnjë reagim , kur nga makina fugon ,  dolën dy veta , të cilët nga silueta e pashë që kishin veshur uniformë policie .
Njëri nga ata , më tregoi tabelën e kuqe me vijë në mes , ku më tregonte të hapja krahun e të ndaloja .
Megjise kishim kaluar një moment shumë të vështirë  të jetës sonë , edhe unë edhe gruaja e ime , por edhe Jeva e vogël , ndiem një lehtësi , kur pamë uniformat e polisicë përpra makinës , në terrin e thellë të natës .
Polici i gjatë , i hapi më mirë derën dhe nga fugoni dolën edhe tre apo katër policë të tjerë .
 - Mir jeni zotëri , mu drejtua mua polici tjetër nga krahu i pasagjerit .
- Tani mirë jemi , por pra pak çasteve nuk ishim hiç mirë , ja ktheu gruaja e ime , e çliruar tashmë nga makthi i keq që kaluam .
- Më fal zonjë , por unë pyeta shoferin . Ju lutem zotëri dokumentat .
- Çfar dokumentash thua more zotri , ne për pak na vranë , ti kërkon dokumenta , këmbënguli përsëri gruaja e ime , që ta fuste policin në mendësinë e peripecisë sonë .
- Pse çfar ka ngjarë , kush qëlloi me automatik . , tha polici i gjatë që u hapi derën të tjerëve .
.. Dhe kështu , i thekur keq nga zjarri i ngjarjes që kishim kaluar , unë munda me pak fjalë tu tregoj gjithshka që kishte ndodhur .
- Kur ne i kapim në gafil , të gjithë kështu thonë si puna e jote mor zotëri .Pra thonë , se qëlloi filani se donte të na grabiste dhe , kudi sa justfikime të tilla .
- Unë ja ku kam edhe armën që ua mora atyre , i thashë unë ..
- Hahahaha , u more automatikun ti atyre . hahahaha . !!
- Vëlla , të lutem mos e merr me shaka , por megjithse e pa besueshme , kështu ndodhi .
- Jo jo , në rregull do të shkojmë në komisariat dhe aty do ta zgjidhim këtë punë .
- Por unë jam për në Greqi , mor mik dhe nuk vij dot .!
 - Jaho , hajde , merreni se nuk kam ndërmend ta gdhi me këtë , thirri ai dikë që e quanin Jaho ..
Dhe nuk voni , Jahua erdhi me dy të tjerë , dhe thuajse , duke më tërhequr zvarrë , më nxorrën nga makina .
Në këtë moment , si shkëndia kur stralli goditet , u dëgjua e qara e fortë e Jevës së vogël : - Lereni babin , lereni babin tim ..!
- Aaaa pse ke dhe fëmijën me vete , tha polici që foli i pari .
 Po i thashë dhe ju lutem kujdes , se është  tmerruar nga ato që ka parë .
- Më vjen keq , tha polici që na drejtoi tabelën . Mund të na përshkruani ata personat .
 -Jo jo , se ata ishin me maska . Të vetmen gjë që vura re , ishin të gjatë disa centimetra mbi mua , dhe flisnin , si me  hundë..
Pastaj Jahua , emrin e të cilit përmendi polici i parë , foli me Jevën , duke  gjetur mënyrën për ta vërtetuar akoma më mirë atë që unë iu tregova .
 -Për një moment , kujtuam se , ju qëlluat me armë ndaj edhe erdhëm këtu lartë , tha njëri nga grupi i policëve . Na falni dhe rrugë të mbarë . Duhet që të na jepni armën dhe të rregjistrojmë emrat tuaj , se mbase do të duhen ndonjëherë . Na vjen shumë mirë që mundët të dilnit paq nga kjo peripeci !
 Këtu ashtu papritur , siç kishte ardhur , u largua makthi , pasi pilicët më në fund e kuptuan se nne ishim gjallë , falë një mbrekullie . Ata na shoqëruan deri sa dolëm nga " zona e rrezikut " .
Kur iu afruam pikës kufitare , qielli kishte filluar të zbardhej pak por retë që qëndronin pa lëvizur në qiell e bënin pamjen e qiellit laroshe , sa gri , të bardhë dhe tek tuk edhe të zezë ..
Kujtimi për këtë peripeci , u depozitua në arkën e madhe të kujtimeve që unë mbaja në tru , duke e vendosur këtë rast si më të vështirin të jetës sime .
 - Babi , dua të ha diçka , u dëgjua Jeva nga mbrapa , kur edhe gruaja e mbështeti menjëher.
-dalim nga makina dhe blejmë diçka , pasi çantën e vogël ku kisha byrekun dhe ujin , e lamë aty në mal .
- Mirë bëre , i thashë unë , le të rrijë aty se mbase u duhet bishave të shuajnë etjen . Me këtë rast as hasmin nuk e lamë pa ngrënë dhe pa pirë ..!
Mbas një ore , makina  udhëtonte me shpejtësi , në tokën greke .
 Megjithse dita kishte lindur , për së mbari , Hëna akoma kishte shenjën e saj të zjarrtë në qiell , në anën e kundërt nga Dielli pritej që të lindte . Edhe qielli ishte zbukuruar nga ngjyra e blunjtë  që kishte zënë vendin e grisë së reve , që tashmë ishin larguar , bashkë me ankthin tonë përfundimisht ..!

Shkruar nga
Partizan Cene
Shtator 2004

**********************************

Koha e zemëruar !

Tregim nga Partizan Cene

Qyteti bregdetar ,pothuaj nuk i shuante dritat gjithë natën .Megjithatë,ato nuk mjaftonin që ti ndihmonin kalimtarët dhe makinat të ndiheshin në një ambient të pagjumë .
Astriti , ishte polic i rendit , dhe i binte shumë herë turni, të patrullonte natën rrugët e qytetit ..
Jeta e natës në qytet sa vinte dhe gjallërohej , ndaj edhe puna për policinë ishte akoma më e madhe ,në shërbim të qytetarëve . Shpesh i vinin sinjale me radio, për shkelje tërregullit dhe ligjit, për në çdo cep të qytetit , dhe menjëherë ashtu i drejtë dhe gjithmon i gatshëm , ai ishte i pranishlm me shërbimin e tij korrekt dhe të rregullt ..
Mesjava ishte koha më e vështirë për të në shërbim ,si më e mërzitshme dhe me më pak lëvizje .
Atë natë hëna ishte e plotë dhe e shndritshme . Si një top i artë ajo me rrezet e saj shplante gjithë siluetën e qytetit . Kristalet e arta që dukeshin në qiell e bënin akoma më romantike natën e parë të javës rutinë që po fillonte për patrullën e policisë në turnin e natës .Këtë natë Astriti kishte për shoqëri dy policë të tjerë , po nga qyteti .

E ndërsa po kalonin para ndërtesës qëndrore në bulevardin e math të qytetit , sytë e Astritit , vanë në katin e dytë , ku profesor Taqua kishte zyrën e tij të punës .
Ai ishte profesor në gradë , dhe punonte mjek psikollog në spitalin e qytetit .
Ishin të shpeshta edhe daljet e tij në kanalin televiziv të qytetit të bukur, poe edhe në kanale televizive qëndrore  , ku jepte këshilla dhe përpiqej të edukonte njerëzit,me mënyrat më të mira dhe bashkëkohore të kulturës së jetesës.Ai ishte i specializuar kryesisht psikolog - seksolog (për marrdhëniet seksuale  dhe çiftërore) , ndaj dhe interesi për fjalën e tij ishte tejet i math në auditor dhe në publikun teleshikues .
Si beqar i stazhionuar që ishte Astriti , e frekuentonte shpesh edhe zyrën e profesorit dhe kështu e kishte bërë edhe mik . Por veç kësaj e kishte edhe komshi , dhe kishin
njohje të afërta familijare .
Për çudinë e tij , profesori çdo natë , mbas orës 22:00 që ky merrte turnin në patrullim të qytetit ,shkonte në zyrë . Kjo dallohej edhe nga drita që qëndronte ndezur ..
Astriti besonte se kjo gjë nuk i kishte sjellë probleme profesor Taqos në familje pasi , ata e dinin se ai po punonte në zyrë ..
Profesori ishte familjar dhe shumë i respektuar në të gjithë qytetin , dhe jo vetëm kaq ai është edhe shumë i njohur në të gjithë vendin ..
Këto gjëra , Astriti i solli në mendje , i ngacmuar vetëm nga një dritë e zakonshme që pa në dritaren e tretë të katit të dytë . Aty për aty , pasi u tha dy shokëve të turnit , u ngjit në katet e larta   të godinës aty ku ishte zyra e profesorit .
Pasi shkoi në katin e dytë, pa se zyra ishte e mbyllur , ndaj nuk e zgjati më shumë dhe mori në telefon në shtëpinë e profesorit , me qëllim që ta kujtonte për dritën që kishte lënë ndezur .
Mbas "tu-tu-tu"-ve të telefonit , u përgjgigj një zë gruaje :
-Urdhëro , kush është ?
-Astriti jam zonja Lejla . Më falni për shqetësimin se është edhe ora e kaluar tashmë , por kalova këndej dhe pashë se profesori ka harruar dritën ndezur ..
-Pse nuk është në zyrë ? -pyeti e shqetësuar gruaja e profesorit ..
-Nuk e di por , unë i rashë derës dhe nuk mu përgjigj njeri .. Ndofta do ta ketë marrë gjumi , por ti mos u shqetëso ..
- Faleminderit që më the , tha Lejlaja , tani do ta marr në celularin e tij dhe besoj do të marr vesh ..

Të nesërmen , Lejlaja i tha se profesori ishte brenda dhe po punonte e nuk donte kënd që ta shqetësonte ..
Ditët kalonin , si në filmat me lëvizje të shpejtë për Astritin dhe pa e kuptuar nga e hëna , gjendej në të shtunë e kështu përsëri e hëna e çonte tëk e marta e me radhë .
Ai e kishte me qejf dhe dëshirë punën e tij , ndaj që kur kishte mbaruar shkollën e Policisë , emërimi i kishte dhënë krah dhe kënaqësi .
Kështu edhe një natë e zakonshme dimri , ku shiu binte i hollë dhe pa pushim , Astriti me dy shokët e tij , u gjendën përsësi në krye të detyrës . Sa bëheshin gati të
dilnin nga makina e tyre dhe të shkonin në një lokal aty pranë për të marrë nga një kafe të ngrohtë , sinjali i radios i komunikojë se duhet të shkonte, në rrugën
" Tre heronjtë", se aty kishte një problem .
Menjëherë patrulla mori rrugën për të shkuar në vendin e ngjarjes . Kjo rrugë nuk ishte shumë larg nga qendra , dhe ndodhej disa ngushtica mbas godinës së madhe ku
miku i tij Profesor Taqua kishte zyrën e tij të punës .
Kur arriti në vendin e ngjarjes , pa dy kolegë të tij që kishin shkuar më para se ai , që e prisnin para një ndërtese dykatëshe pak të veçuar në fund të asaj rruge .
Njëri nga ata i tha :
-E njeh këtë . Dhe për çudinë e tij . në makinë në sediljen e pasme , shikon profesor Taqon me duar të lidhura ..
- Po sigurisht që e njoh , i tha ai kolegt të tij , dhe i habitur nuk rreshti pa e pyetur :
- Si është puna ? Çfar ka bërë ? Mos është ndonjë keqkuptim . Ai është njeri i nderuar . Ja të marrim vesh njëherë .
Këto tha polici i padjallëzuar , tepër i hutuar nga kjo që kishte ngjarë .. Instikti i thoshte se diçka jo e mirë kishte ngjarë , pasi kolegun e tij e njihte prej vitesh dhe e dinte që nuk bënte shaka me këto gjëra .

Megjithatë , e mori mënjanë të mësonte se si ishte puna .
Hitua , kolegu që e i kishte vënë hekurat profesorit , i tregoi se çfar kishte ndodhur ..
- Kemi shumë kohë që e ruajmë këtë shtëpi . Këtu vijnë shumë burra , pasi është kthyer në shtëpi seksi . E zonja e shtëpisë , gjen vajza dhe gra , duke ua servirur klientëve shumë të zgjedhur .Këtë person pasi e kishim parë të hynte e të dilte shumë herë e kemi këshilluar miqësisht , meqë e dinim se kush ishte . Na kishte dhënë fjalën se nuk do ta bënte më kurrë
Bile njëherë e këcënova se do ti raportoja gruas dhe familjes së tij . Ndaj me forcë na tha se nuk do të vinte më .Por siç e shikon , duket që është një "i sëmurë" manjak seksi .Por sonte ishte një natë e veçantë , ndaj nuk mund ti bëjmë më lëshim..

I hutuar dhe i rënduar nga pesha e rëndë e fjalëve të kolegut , Astriti vazhdoi të dëgjonte fjalët e policit tjetër , si të flitej në një zbrazëtirë apu humnerë e madhe .
Dhe kolegu vazhdonte rrëfimin :
- Ajo që e bën akoma më tragjike këtë rast miku im është se ,një dedektiv , kishte parë në këtë shtëpi të mallkuar,të futeshin shpesh edhe vajza të vogla , shumë të vogla ,për këtë punë . Ndaj e ruajtëm me vëmendje dhe këmbëngulje kaq ditë . Sonte ,pamë se përsëri u fut një vajzë e vogël ,dhe nuk vonoi ,ku edhe klienti që kishte porositur
"prenë ", erdhi . Dhe ja ku e ke ..

Kjo gjë i turbulloi sytë Astritit . Nuk donte ta besonte . Një profesor , mjek dhe psikolog nga më të mirët , që u jepte mendje njerëzve , të kishte personalitet të dyfishtë ??
..
Nuk e kuptonte as vetë se ishte i nevrikosur apo i mërzitur . Ndofta ty dyja këto bashkë , ja prishën humorin e asaj nate , dhe pse jo i turbulluan gjithë shpirtin e tij të lodhur nga rutina e jetës dhe punës së përduitshme .
Aty për aty , i tha kolegut të tij :
- Faleminderit , bëni detyrën . Ne po ju ndjekim pas deri në rajonin e policisë .
Gjatë rrugës për në rajon , nuk kishte pasur mundësi që të kuptonte se edhe shiu kishte filluar të ulej nga qielli me rrebesh , sikur donte të thoshte se edhe koha ishte zemëruar me profesorin e çnderuar tashmë..
Rruga e hodhi detyrimisht para godinës  së madhe në qendër , aty ku ky ,që të gjithë e quanin profesor , kalonte darkat e vona .
Instiktivisht hodhi sytë në dritaren e tretë të katit të dytë . Drita ishte ndezur ..!!Nata rrëshqiste qetë drejt mëngjesit të zhurmshëm ..
Hej ,dynja sa i vogël qyteti ynë .. Kështu mendoi dhe shpejtoi hapat për "destinacionin "tjetër ..!


Partizan Cene Janar 2012 ..!!

"Halla me burrë" dhe "nipi" ..!

Tregim nga Partizan Cene ..

- Për ku shkon mor bir, i tha gruaja , që në dorë mbante një çantë disi të madhe për mundësitë e saj fizike .
- Për në Vlorë zonjë , i tha Arseni dhe vazhdoi të shijonte kurasanin që mbante në dorë ..
- Po nuk na merr dhe ne pleqve ?? Vijmë nga Greqia , dhe sic e shikon .. është ora pak si terce , dhe nuk ka autobusa , filloi ti lutej gruaja ..
- Kemi dhe një sërë rraqesh , plotësoi burri i saj ..
- Por nuk mundem , moj nënë , se po me kapi policia , do të më vërë gjobë të rëndë..
- Po hë mo se, nuk ka punë me ne pleqtë policia ,.. këmbenguli gruaja e moshuar dhe u afrua pak me afër si për afrimitet .. !
- Nga je , biro ?? Pyeti ajo Arsenin si për ti treguar që , ''...ja jemi tanët ''..
- Po nuk e shikon moj tuafe , që makina thotë Vlorë , tha plaku disi i besdisur nga llafazanlleku i gruas së tij .. !
- Dreeeeq, tha gruaja , javashë de , se sa makina ka me targë të Vlorës , ju pergjigj ajo ,si për tia pritur , të shoqit..
- Nga Vlora ,bile nga qendra brenda , tha Arseni , sikurë donte të shuante ''gjakrat '' ...
- Epo po je nga Vlora jemi vërtetë tanët dhe do te na marrç më duket , ...këmbenguli , gruaja .
- Po hajde , prishur mos qoftë , tha Arseni. Por vetëm se në rrugë , po na doli policia do te thoni , që jemi një familje , u kerkoi ai , mirëkuptim ..

Dhe makina u nis me furi drejt Vlorës, në rrugën e përlagur nga vesa- shi që kishte rënë .. Gjatë gjithë rrugës deri në kthesën e Patosit , muhabeti shkoi vaj dhe të tre , nuk e ndien shumë rrugn deri  aty ..!
Sa morën kthesën , dy policë u  a bënë me dorë të ndalonin ..
- Dokumentat , patentë, siguracion,leje qarkullimi , tha me autoritet polici që erdhë tek xhami i i shoferit .

Pasi i pa me shumë kujdes , të gjitha shkresat dhe kartonat , policit sikur diçka ju kujtua dhe tha me të shpejtë:
- Po këta që ke në makinë ,ç'janë , tregon ai me kokë nga pasagjerët në sendilen e pasme ..
- Janë të mitë . Është halla me burrin , tha shoferi , duke kujtuar se pastroi situatën ..
- I ke vërtetë të tutë , apo punon taksi pa lishencë , i thotë polici ..
- Jo të betohem , thotë Arseni , i kam të mitë
- Po pse me duket mua sikur më genjen , provokoi polici .!- Është e vërtetë mo , i tha ai , burrit që rrinte , sikur kishte vjedhur bankën e qytetit ..
-Po ooo po poo , u pergjigj ai , është nipi ynë  ...!!
- Po mirë si e ka emrin ''nipi'', kembenguli polici ...
- Të them të drejtën , jemi lodhur nga rruga dhe nuk mbajme mend as , emrin tonë , ndërhyri gruaja , për të ''myllur çështjen''..
Mireë  mirë  , tha polici , do ti vë unë një gjobë të majme , me qëllim që edhe ju të shplodheni më mirë , edhe ky të zgjohet se po fle ..
.
Dhe polici nxorri një bllog nga çanta dhe dicka ''kërkonte'' , duke rëmuar në bllok . Ai i lëvizte fletët sikur i numeronte , apo sikure i fotografonte . Plaku si më i vjetër, ua dinte policëve, ndaj i foli :
- O shoku polic, të të jap unë një qerasje dhe mos na vono se na ka zënë dhe makina ..
Pastaj ai nxorri një pesëçe euro, dhe ja zgjati .. Polici pa një herë majtas djathtas , dhe pasi e mori , tha:

-Po mire këto , po me gjoben çdo te bëjmë .?
- Po kurë e preve gjobën, ne sapo folëm ,.... i thote i nevrikosur Arseni ..
- Ore ti ..!! Do të të jap ty llogari unë , kur do ta pres gjoben ??? Paguaje , dhe mos e zgjat, se do të ve dyfish të parave , tha ai'' i nevrikosur''
- Pse sa e ke prerë , u bë kurioz Plaku
- Njëzetë  mijë lek .Se që thua ti , mua nuk me ka gënjyer kush deri sot , jo të më gënjejë ky spurdhjak , tha ai polici, dhe me bisht te syryt shikonte reagimin e shoferir e të plakut .. ..
Plaku nxorri 15 evro dhe ja dha shoferit ..
- Mos nuk ke djalo , të të jap unë nga ato që do të të paguaja për rrugën , i tha ai Arsenit ..Tani u muar vesh.. lëri ta paguajmë edhe te ikim ..se na zu nata ..dermaan  !!
Kështu bënë .Pasi paguan ikën .. Tani mbas kësaj ngjarjeje , në makinë dukej sikur kishte rënë zia .. As nje fjale nuk arritën të shkëmbenin kur, mbas disa kilometrave , pa hyrë në Fier , një patrullë policie , u bëri shenjë të ndalojnin ..

Polici erdhi te makine dhe nga dritarja , me ton të qetë dhe me kulture u prezantua : - Ne jemi për pasagjerët .. Mos bën gjë  taksinë e paligjshme ti .! -Ç'janë këta që ke në makinë ??.. Ju drejtua ai Arsenit .
- Lere se unë sapo u gjobita për këta , tha Arseni , pa teklif , pasi e dinte që nuk gjobitet ndonje dy herë ..
- Po në rregull zoteri . Na fal , të lutem , pa ma jep pak gjobën ta shikoj .., i tha ai me qetësi shoferit .

- Po ja merre , njëzetmijë   më preu tjetri para 10 minutash , u tensionua Arseni ..
Polici e pa , dhe e ri pa prapë .. dhe pastaj  pyeti shokun e tij që priste urdhëra në këmbë :
- Sa është data sot .
- Nëntë , tha polici tjetër ...
- Po pse mashtron , i tha ai shoferit , kjo gjobë mban datën tetë , ja shikoje , mos bëj gabim ... !!Prandaj gjobën njezetë mijë lekë do ta paguash sotë , se ti me sa shikoj e ke rrugë këtë punë .  Si duket edhe dje , të njëjtën punë ke bërë .
- Jo , jo tani sa e pagova , ju betohem .! Oooohhh  i poshteri , o fytyrë keqi .. filloi ai te shaje policin e parë ... Më besoni o njerëz , u tha ai policëve ,tani para dhjetë pesëmbedhjetë minutash e pagova .Ma hodhi i pa fytyri  ....!!!
- E c'të të bëj unë , mua duhet të më paguash gjobën , që po shkruaj tani .
Dhe shkroi .. në një  bllok , dhe ja dha që ta firmose .. Arseni nuk deshi ta firmoste në fillim ..por me kembenguljen e plakut qe do ti jepte edhe 15 euro te tjera , u zbut dhe pagoi ...
Rruga deri në Vlorë i ngjante , funeralit të varrimit të ditës që kaloi Arseni .. Jo vetëm lodhja por me shum nevriku , nga pabesitë e këtyre qafireve .. '' -
Me siguri , ishin bashkë ata policë të ndarë në dy grupe , dhe njëri i fliste tjetrit me telefon ,mendonte ai . Aq më shumë që për mua , sot kishin aresye të më rrjepnin ashtu si me rropën lëkurën. ...Po si nuk u tregova as emrin këtyre ... u kujtua ai , për atë që edhe mund ta shpëtonte .. Por tani është vonë ... U be ç' u be .. ''
''Shyqyr që u ''ndodhën'' edhe ky plaku me tëshoqen , se nuk do te kisha edhe leke per te paguar ..Po ç'them edhe unë , po të mos ishin ata nuk do të kishte as gjoba .. "
Këto mendoi ai pasi ngeli vetëm , në rrugën që të çonte tek shtëpia e tij në lagjen ''Lirim''.
Arseni kishte kohë që ishte pa punë .Edhe makinën e kishte të të atit .. Megjithëse ishte 26 vjec , babai ishte sporteli ,ku ai merrte haxhillikun e tij .... !!!
Partizan Cene Gusht 2008

Pse na i bëre këtë rrengë ,more Prengë ??

Poezi Satirike  , nga Partizan Cene
(Marrë shkak nga rrafja e depudetëve në koridoret e Parlamentit )

Ditët ikin , muajt shkojnë
Sytë tanë ,xixa lëshojnë ..

 Presim çastin e shumëpritur ,
 Për Evrop tashmë të " rritur "

  Qershori po troket në derë
 Fryma ndalet dhe një herë ..

Pret  Statusin Shqipëria ,
 çdo shqiptar gjithë shoqnia ..

Nga Evropa është thënë .
Bëni ç' keni lënë pa  bërë

Dhe kujdes ,të rrini urtë
 Mos e  prishni tash n' fundë .

Përqafoji të gjithë bashkë
Për sytë  e  botës jashtë ..

Por ,nuk ishte thënë kurrë
 Ta kalojmë ne ,atë urë ..

Sot pa pritur në parlament
 Shkojn e rrihen për nji  mend ..

Nuk e di se nga e shau ,
Strazimiri Prengën ngau ..!

Por su mjaftua nuk vonoi  ,
Dhe Qefalinë e thumboi ..

Kaq ishte dhe kështu nisi
Nga goditjet u dhemb mishi ..

Po e keqja doli  n' shesh ,
Kur Doktorri e mori vesh ..

 -Shpejt ,i tha me urdhër Lulit ,
 Në dorë  ka ardhë zogu i hurit ..

Ta marrë vesh Evropa mbarë
Se Edi Rama rreh shqiptarë ..

Biles shqiptarë depudet ,
më keq  nga ç kam rrahur vet .!

- Nuk është Rama , i tha Luli,
 ai që dorë mbi Strazi/n vuri  ..

- E ç'far thua mor nanguridhi frut ,
 Të gjithë në një thes i fut ..??

Po a nuk ështe Rama çoban
 Që drejton atë stan ?

Nuk e di ti  që në stan ,
ka qen të mëdhenj azgan .?

Po u hodhën e hëngrën kënd
çobani në burg do  bëjë vënd

O  burra miqve me të  parë ,
 Dhe tu themi se çka ngjarë ..

Ndaj as Status as përkrahje
Denoncojmë  Ramën për rrahje..

Por ...
Do prishi punë kjo ngjarje ?
është për lot apo për qarje ?


Nga pozita janë trishtuar
Lehjet shumë janë shtuar

Ah çna bëre more Prengë
 Pse na i bëre këtë rrengë !!

Por ç të bënte Prengë ziu ,
Drurin e donte Saliu .. !

Lepuri dhe Luani ..!

Fabul në vargje nga Partizan Cene .


Shëtitjen e mëngjesit
Po bënte luanesha ,
Kur, mirmëngjes i tha
Lepurushë princesha ..!

- Shumë herët je çuar
 Luaneshë e bukur,
t' kam zili , për këmbët
 që i hedh si flutur ..!

- Kush foli  se ,
nuk po e dëgjoj mirë,
Ç'është ky zë i mekur
  q'më gudulis pa gdhirë ?

- Eeeej , jam këtu ,
Fshehur në gëmushë ,
 Nuk më njeh ti mua ?
Jam gjyshja lepurushkë ..

- Hahaha , e dija
që,
një gjë e vogël do të jetë ,

e ardhë fare kotë
      në këtë jetë .. !

- Kotë thua ti
se,
të duket vetja ari ,
 Por,
unë pjell dhjet herë
 në vit,
     dhe nuk jam si ty ..!

 Pra nuk jam si ty , që
 Pjell vetëm një herë
 Dhe po e rrite një fëmijë
 E shpëtove atë derë ..!


-  Moj plaka lepurushe
 Ke të drejtë sigurishtë
 Unë pjell një herë në vit
 Një luan me krif e bishtë ..

Por harrove moj e mjerë
 Se unë pjellë luanë
 Jo si ti që pjellke lepuj
 Qen  e çakenjt ti hanë ..

Dil tani nga ajo shkurre
 Të të shikoj si bëbëzinë
 Dhe e vogël më bën punë ,
 Për mëngjes të heq urinë ..!


Partizan Cene 

Maj 2014

Një dasëm që më turbulloi mendimin !

Skicë  ose  mbishënim


Një miku im i mirë nga Shkodra , më dërgoi një vidio të dasmës së vëllai të tij .Me kënaqësi e urova , që vëllai të trashëgohet për fare , dhe sigurishtë do të dëdhiroja që të isha edhe unë në atë dasëm të bukur , ndaj me shpejtësi hapa vidion që të shikoja dasmën .  Çdo gjë e shkëlqyer , çdo gjë e parë dhe e bërë me kujdes . Miq , shok , krushq e të afërt kishin mbushur sallën e madhe ku zhvillohej dasma . Pra çdo gjë e bukur , por ...? Kishte diçka që nuk shkonte , ose më saktë dukej që mbas gjithë atyre gjërave të bukura shqiptare , kishte diçka që stononte . Ose më saktë më stononte mua . Diçka që ma prishi të gjithë humorin dhe kënaqësinë e asaj që pashë në fillim .  Pra ishte muzika . Megjithse filloi me këngë të bukura shkodrane , edhe popullore të hershme edhe qytetare të përpunuara , që ta kishte ënda ti dëgjoje , dhe hijeshia ti shkoje tek kërcenin aq bukur , "pllaka u kthye ". Vendin e zunë disa këngë serbo malazeze , të cilat veç fjalëve që i dëgjoja shqip , asgjë nuk përkonte me natyrën zakonet dhe mënyrën shqiptare të asaj dasme të filluar bukur .  Ca këngë me ato zgjatjet ulëryese malazeze , dhe disa të tjera serbe me tabanin e fortë , ku fisarmonika mbyt gjithshka , sollën edhe kërcimin e huazuar nga fqinjët tanë në mënyrën që , mbas valleve dhe këngëve të bukura shkodrane dhe veriore , morën rrugën e shëmtimit dhe egoizmit të shfrenuar .ër çudi , kjo gjë nuk është për herë të parë dhe , nuk është fenomen vetëm për dasma në trevat veriore të vendit , kjo gjë ndoth shpesh edhe në zonat Jugore , dhe pse jo edhe në të gjithë Shqipërinë .

Unë e pëlqej pa masë muzikën poçpullore e dhe të kombit e vendit tim , por edhe të kombeve dhe popukve të tjerë . por kur dëgjoj një këngë malazeze , më pëlqen që ta dëgjoj në malazisht , dhe kur dëgjoj një këngë greke më pëlqen që ta dëgjoj greqisht .Ndërsa , kur këngët e huaja i shesim për shqiptare , duke u ndërruar tekstin në shqip , ather , bëjmë krim ndaj vendit kombit dhe ndaj vetes sonë, sigurishtë .

Një dasëm , nuk dë të thotë vetëm martesë në kuptimin e tejçimit të jetës .  Dasma është mbjellja e një fidani që pak e nga pak do të rritet dhe do të krijojë pemën e jetës , të shpirtit  e të mirëkuptimit .
 Ceremonia , është  balta e parë e ëmbël e hedhur në rrënjët e saj . Mënyra dhe cilësia e ceremonisë , është plehu organik që e rrit këtë lidhje dhe ushqen filizat të tjerë që do të sjellë ajo ..

 Shumë dasma që kam marrë pjesë edhe në Jug të vendit , kanë të njëjtat "probleme" me muzikën dhe këngët . Kryesishtë . për fatin e keq , më shumë dëgjon këngë greke , dhe shumë pak këngë shqiptare .  Nuk do të kisha shkruar , po të ishte rasti i vetëm ky me dasmat apo më saktë me dasmën që miku im shkodran bëri për martesën e vëllai të tij të dashur , por edhe shumë vidioklipe dhe këngë , që kanë mbushur ekranet e disa kanaleve që për fat të keq , kanë stemë të tillë , që gjoja propogandojnë muzikë popullore shqiptare , por në tre këngëqë japin , njëra është shqiptare , njëra serbomalazeze dhe tjetra greke .  Pra edhe në këtë rast , jemi të varfër nga llogjika e së përgjithashmes dhe na vjen më përshtat llogjika e çastit ose e shprehjes : Unë kënaqem , e çmë duhet mua se nga vjen kjo këngë "
Kurrsesi nuk do të isha dakord me një shprehje të tillë dhe asnjëherë  me një qëndrim të tillë falimentues përballë fitimeve qorre që disa nxjerrin , duke na "kënaqur" me gjëra që na ngushtojnë kraharorin . Nuk jam kundër muzikës , dhe kurrsesi kundër gjërave të bukura , por jam kundër asimilimit , ku kultura dhe veçanërishtë muzika , ka " dorën " e saj të hekurt në atë proces të padëshiruar .  Vetë jemi dëshmimtar të shumë dasmave arbëreshe , ku këngët safi të dasmës ,ato që tregojnë identitetin kulturoro - jetësor , janë 500 vjeçare .  Një gjë të tillë nuk e dallon fort tek arvanitasit , që megjithse diki - diku , kanë ruajtur gjihën dhe ndonjë zakon , nuk kanë ruajtur dhe nuk e praktikojnë kurrsesi ritin e dasmave ashtu nga origjina si arbëreshët e Italisë . Kjo tregon se arvanitasit në Greqi , janë shtypur sistematikishtë duke arritur në ato përmasa që është sot asimilimi i tyre .   Për arbëreshët e Italisë , edhe 500 vjet që kanë kaluar , nuk ishin mjaftueshëm , që të harronin gjihën ritet dhe zakonet e tyre .  Lirio Di Busicone , arbëresh në Arfjhentinë , në librin e tij : Unë dhe Arbëria , ka shkruar :  Një pupull shtegëtar , i përndjekur , i robëruar dhe i përmalluar , mund ti harrojë të gjitha , nëqoftëse harroi këngën që buron nga brenda tij ! Këngët e djepit  janë 500 vjeçare edhe tek arvanitasit , por ata së fundmi , i këndojnë ato në greqisht .

Kur i dëgjon këto ninulla , edhe pse të duket se i di  dhe buzët vetë fillojnë e belbëzojnë , mjerimi kap shpirtin dhe e zhurit , sa dëgjon fjalët dhe tingëllimi i huaj i tyre për ty ..!

 Partizan Cene  04/05/2013

PATRIOT apo NACIONALIST ??

 Nga Partizan Cene

Disa njerës , miq të mi ose jo ,shumë herë më akuzojnë indirekt ose jo , se jam nacionalist . Nuk e kuptoj nga e kanë gjetur këtë për mua , ndaj vendosa të sqaroj , aq sa di unë nga ana filozofike dhe praktike , se cili është ndryshimi mes Nacionalistit , dhe Patriotit ...!
Pra ,unë do ta klasifikoja veten time, tek kjo e dyta dhe më e mira .
Ndërsa nacionalisti , është një " patriot " i shtyrur , që veç lëkurës së tij nuk do dhe nuk ka për gjë ,asnjë dhe asgjë tjetër , patrioti , pikërishtë , lëkurën , nderin dhe lavdinë e tij e ka të lidhur , me bashkësinë kombëtare dhe atdheun e tij . Ai do dhe respekton , veç flamurin dhe kombin e tij , edhe të gjithë njrëzit dhe kombet e tjera , pamvarsishtë se e lidh apo nuk e lidh puna me ta . Një patrot i vërtetë , vështirë se mund të korruptohet , keq përdoret apo të keqpërdorë të tjerë ..
Kush ka pesë pare mend , e kupton .
Patrioti , voton , dhe kurrë nuk e lë që të vendosin të tjerët për të dhe për kombin e tij . Është gjithmon aktiv , në jetën dhe përparimin e shtetit dhe kombit , me aq sa ka mundësi .
Ndërsa nacionalistët që " nxjerrin flakë " kur u përmend atdheun , shuhen si qiriri , sa shohin mundësinë e mashtrimit dhe të fitimit , në kurris të bashkëqytetarëve dhe bashkëkombasve të tyre ..
Një patriot , është tolerant , fal dhe kërkon falje . Kurse nacionalisti i " thekur " kurrsesi nuk e njeh fjalën " falje " dhe " më fal " ..!
Ju kërkoj ndjesë për filozofimin , por e pashë të nevojshme ta ndaja me Ju këtë gjë , sonte ! 


***********************