Gazeta C , filloi rrugëtimin e saj në shërbim të shqiptarëve , në gjithë Botën ..Ftesë për bashkëpunim ..!!

Gazeta C ose Gazeta e qendrës .. Centër = Qendër Pamvarsishtë nga përkimi i mbiemrit Cene , gërma C në këtë rast , tregon qendër ..

Miq dhe lexues të Gazeta C. Rastësia e solli që Gazeta C ta bëjë emetimin e saj të parë sot ditën e lumtur të Shqiptarëve ,ditën kur pritet vendimim final nga BE për heqjen e vizave të shumë pritura për shqiptarët .

Shumë mesazhe urimi erdhën në profilin e gazetës në Fb. Edhe ne i urojmë të gjithëve miqve dhe lexuesve tanë gjithë të mirat fat e bardhësi , kurajo dhe shëndet në jetë .

Gazeta C , është një dritare , në informimin e saktë , pa dorashka të publikut shqiptar por jo vetëm . Rubrikat e faqes Gazeta C, janë të larmishme dhe shumë të pasura gjithmonë .Me këtë rast ju ftojmë të botoni shkrimet tuaja në faqen Gazeta C, duke ju siguruar se fjala censurim është shumë e urryer për stafin e Gazeta C ..

Vetë emërtimi Gazeta C ka ne vetvete , gërmën "C "e cila tregon Center (qendër).. Pra kjo gazetë nuk është vasal i asnjë krahu politik , por gjithmonë do të jetë në opozitë me të keqen dhe do të përpiqet të tregojë jo vetëm të drejtën por pa dyshim edhe të mirën ..

Stafi i Gazeta C është ndër më të kualifikuarit , dhe të jeni të sigurt edhe më të besuarit .

Gazeta C është vazhdim llogjik i faqes cene-alb.com , e cila për shumë kohë u bë e dashur dhe tejet e besueshme , për të gjithë lexuesit e saj .

Cene -alb pati mijra klikime ditore , jo vetëm nga hapsira shqiptare , Shqipëri Kosovë dhe Maqedoni , por edhe nga gjithë bota , ku diku rastësishtë e klikuan dhe pastaj shumë e riklikuan me qindra herë. Cene-alb.com ishte pra dera e Gazetës C , e cila i mundëoi kësaj të hyjë në mendjen e në zemrat e mijra lexuesve .

Por mund të pyesni se çdo të bëhet me cene-alb.com ..?? Përgjigjia është fare e thjeshtë .. Ajo do të shkrihet tek gazeta C , por deri atherë do të shërbejë , si arkiv për lexuesit , duke gjetur shkrime dhe dokumenta që i dinë se i kanë në atë faqe .

Siç e shikoni , Paneli portal Gazeta C, nuk ka mbruar së rregulluari akoma , dhe po punohet intensivishtë për ta përfunduar sa më shpejtë .

Administratori dhe drejtori i Gazeta C zoti Partizan Cene , është 100% i kushtuar në këtë ndërmarrje mediatike duke shpresuar se kështu do ti vijë në ndihmë popullit dhe lexuesit të rregullt të Gazeta C..

Në faqen Gazeta C mund të bëtojë shkrimin , krijinm tarinë , mendimin dhe komentin e tij kushdo që dëshirona duke ruajtur normat strikte të mir informimit , mirsjelljes dhe komunikimit të kulturuar ..

Ftojmë të gjithë miqtë dhe dashamirësit si dhe lexuesit e Gazeta C , të komentojnë në fund të shkrimeve që ata mendojnë se duan të thonë fjalën e tyre . Këeshtu edhe zëri i tyre do të publikohet nga Gazeta C , në Internet në makinat kërkuese të Google ..

Do të ishim mirnjëhës që ju miqtë dhe lexuesit tanë të na bënit vërejtje dhe sugjerime , dhe të jeni të sigurt se do të na vlejnë shumë ..

Përsh[ëndetje vllazërore dhe lexim e argëtim të këndshëm ..

Partizan Cene Administrator dhe drejtor i Gazeta C

Unë i njoh Ato

23/11/2010 .. Tregim nga Partizan Cene

Kishte disa ditë që binte shi . rrugët ishin mbllaçitur dhe larë disa herë , por megjithtë , vazhdonte të mbizotëronte kudo balta .

Ardiani , e pa të udhës që deri te shtëpia të merrte një taksi , paçka se nuk e ndanin as 200 metra deri aty .Turri i mbasdites gjithmonë e lodhte më shumë .Duke ngjitur atë dy tre shkallë deri tëk porta e shtëpisë së ulët pa instiktivishtë orën .Ajo po shkonte 22 :00 .

Megjithse kishte çelsat , shtypi butonin e ziles , dhe priti sa u hap dera . Ishte babai i tij , i cili sapo ishte kthyer si duket nga kafeneja e lagjes , se akoma ishte pa veshur bizhamet. Kur e pa ashtu tek porta , për një çast i erdhi ndër mend një merak që kishte tani e shumë vite më parë ..

I ati i tij, Azemi ishte një trupmadh , që dukej se vetë ky nuk kishte marrë asgjë nga i ai. Kjo pasi vetë Ardiani vinte trup vogël , me gjatësi mesatare , por me konstrukt jo të shëndosh .. Pamvarësishtë kësaj , ai nuk e kishte problem pse nuk kishte lindur kaq i gjatë sa i ati , por shumë herë e brente nga brenda që pse nuk ngjau edhe ai nga raca e babait ..

Me këto mendime krejt spontane , hyri në shtëpi , dhe pa se tavolina e darkës ishte shtruar .. E ëma e tij , Merjemja ishte një grua jo vetëm e thjeshtë por mbi të gjitha edhe shumë e dashur , dhe gjithmonë e sjellshme edhe me Adrianin që ishte djali i saj i vetëm ..

Familja ishte , gjithmonë e saktë në oraret e ngrënies dhe në përgjithësi shumë e rregullt në funksionimin ditor dhe jetësor ..

Azemi , kishte ditur që gjithë jetën , pamvarsishtë se kishte punuar në hekura dhe punëra të rëndomta , e kishte mbajtur , në gjendje të mirë familjen . Atyre pothuaj se ,edhe tani që kishte ndërruar sistemi , nuk u kishte munguar asgjë .. Shtëpine e kishin të tyre , disa të holla për një ditë të keq i kishin , dhe bile po përpiqej , Azemi të bënte një shtesë tjetër në shtëpinë një katshe , se Adriani po rritej dhe tashme 23 vjeç mbase edhe do të martohej ..

Pasi lau duart dhe po i fshinte me peshqirin e varur në koridor jashtë banjës , sytë i shkuan nga televizori .Menjëherë i bëri përshtypje , pse e kishin fikur .Ndaj pyeti të ëmën :

- Mama , pse nuk do ta shikosh telenovelën sonte ??

- Jo të keqen mamaja , jam disi e lodhur , ndaj do shkoj të fle ..Po edhe ti , shtrihu se je për punë nesër , ju përgjigj ajo shpejt , sikur donte të mbaronte diçka ..

- Jo jo unë nuk kam punë nesër , më lajmëruan , ndaj do ti hedh një sy , televizorit ..

- Po shtrihu mor bir , se vajti ora 11 : 00 , je lodhur sot , ndërhyri i ati Azemi , si për të mbështetur të shoqen e tij ..

- Ja për pak , tha Adriani , dhe shkoi tek televizori dhe shtypi butonin ..

- Mos e hap se më dhemb koka , tha përsëri e ëma , Merjemja , duke këmbëngulur akoma ..

Ndërkohë që Adriani po kërkonte telekomandën , televizori u hap dhe në ekran , ishte një emision që e kishte parë edhe herë të tjera . Ishte emisioni ku kërkoheshin dhe gjendeshin njrëzit , e munguar apo të humbur , siç i thoshnin rëndom ..

- Eee e shikoni , për pak harruam moj mama , sonte që ështe e premte ,është emisioni që pamë javën e kaluar, harruat.. ??A ju kujtohen ato dy vajzat e vogla 14 dhe 16 vjeç që , kërkonin vëllain e tyre , ishte shumë prekse , nuk e kishin parë kurrë dhe thoshnin për të fjalët më të mira dhe më të dashura . Shumë më mallëngjyen ..

- Mirë biri im , unë do të shkoj të fle , tha Merjemja , shikoje me babanë tënd ..

- Jo moj mama , nuk ke kuriozitet ta marrim vesh , ja mbani qetsi të dëgjojmë ..

Spikerja e emisionit , me mirsjellje i uroi mirseardhjen në emision babait të vajzave , i cili doli disi i ndrojtur , para kamerës , dhe zuri vendin në karrigen përballë spikeres ..

Për një moment , Adrianit ju shpërqëndrua vëmendja , nga një klithmë e mbytur e së ëmës , e cila pshertiu thellë por nën zë , dhe Adriani më shumë e ndjehu ngulçimin e së ëmës , se sa e dëgjoi . Ju afrua dhe e pyeti lehtë , që mos të dëgjonte Azemi , i cili ishte në anën tjetër të sallonit të madh ..

- Çke mos jeni zënë ?? Ti nuk e prish gjakun shumë ? Keni bërë fjalë ?

- Jo jo nuk kemi asgjë , por unë sikur nuk ndihem mirë .

- Mos je sëmurë , tha ai shpejt i alarmuar për shëndetin e mamasë ..

- Jo jo , mos u shqetëso . Ja nga emisioni , që po shikon ti ..

- Pse , kaq gabim i rëndë është që të shikoj edhe unë një emision , tha disi mosbesues djali dhe u largua nga veshi i së ëmës dhe u ngjesh në kolltukun , pak më tutje ..

Merjemja , nuk i dha më udhë fjalëve por , e fiksoi shikimin e saj në ekranin e televizorit ..

Emisioni , vazhdonte , dhe kamera shumë herë , e çonte në profil të plotë dhe plan të afërt , tek babai i vajzave , i cili u përgjigjej pyetjeve të spikeres ..

Adriani u përhumb , në botën e emisionit , që e tërhiqte aq shumë , dhe nuk i vuri veshin më fjalëve të mamasë ..

Duke parë, atij i bëri përshtypje ai burrë , me finesën, konstruktin dhe pamjen e tij ..U habit shumë kur pa se ishte një kopje , më e vjetër e fytyrës dhe trupit të tij ..Pë një çast instiktivishtë hodhi shikimin majtas djathtas , andej nga ishin ulur , të ndarë , kush në kolltuk dhe kush në karrige , babai dhe mamaja .

Pa se mamaja filloi të dridhej dhe në fytyrë i erdhi një verdhëllim shumë i dukshëm .. Menjëherë i tha të atit , dhe shkoi tek guzhina për një gotë ujë ..Kur erdhi , shikon se e ëma shkumonte e tëra nga goja ! Babai ishte në telefon si duket po lajmeronte ndonjë ambulancë ..

Nuk arriti të bënte veprimë të tjera dhe shikon që mamaja po ndërronte fytyrë , nga e verdhe në të zezë ..Vuri veshin në kraharorin e saj , dhe u tmerrua kur nuk dëgjonte asgjë ..

Nga shpresa se mund të ishte i tronditur prandaj nuk dëgjonte , ju afrua të ëmës , dhe filloi ti shtypte forte kraharorin e saj . Shikonte se ajo nuk reagonte. Ndërkohë Azemi , ishte përlotur dhe po turfullonte me të madhe duke sharë nëpër dhëmbë , ambulancën dhe shërbimin e ndihmës që nuk po dukeshin .

Adriani i mori dorën mamasë dhe ndjeu , se ajo ishte e ftohtë . Për herë të parë , i shkoi ndër mend se edhe mund të kishte vdekur .. Thirri njëherë fort : - Mamaaaa , dhe ra mbi trupin e saj , i trobitur dhe i mërzitur në kulm ..

Nuk arriti të shikojë se sa minuta kaluan kur u dëgjua një shurme e afërt makine që frenoi , dhe ra zilja e jashtme .Tek dera që hapi babai , pa dy bluza të bardha .. Mjeku sa e pa dhe e preku me dore ne temth ,mamanë , tundi kokën në shenjë mohimi , dhe tha:

- Më vjen keq , por ...!!!

Adriani gërthiti me të madhe duke rënë edhe njëherë mbi trupin e së ëmës , të cilën po e humbte ashtu papritur dhe pa asnjë paralajmërim ..Ngashrimi ishte , në maksimum dhe ambienti u rëndua shumë ..

...Funerali i u bë ditën tjetër .Të aferm dhe të njohur , mbushën shtëpinë dhe në varreza kishte shumë njerëz .. Familja e tyre ishte dashamirëse me të gjithë ..

Për të edhe era edhe shiu edhe edhe i ftohti , i plotësonin të plotë pamjen e shpirtit të tij brenda thellë , në ngashrim dhe mjerim , për njeriun më të dashur që humbi .

Ditët kalonin zymshëm . Me gjithë mallngjimin dhe mërzitjen që kishte ,pasi varrosi të ëmën , Adrianit nuk i hiqej nga mendja , ai burri që pa në emision.

Shumë pyetje , nuk mund ti linte pa marrë asnjë përgjigje , ndaj vendosi që të bënte diçka .. Por çfar të bënte ?

Atë e mundonite nga brenda ajo që , pse mamaja u mërzit pasi pa atë burrin tek emisioni , dhe pse vetë Adriani i ngjante aq shumë atij burrit ??

Këto mendime , e mundonin shumë dhe shtonin trishtimin e tij për mamanë e dashur , që nuk do ta shikonte më kurrë ..

..... Që nga vdekja e mamasë , tezja e tij Lushi , kishte denjtur pranë tij tërë këto ditë . Kur e pa që servirte kafenë tek disa vizitorë , që kishin ardhur për ngushëllim , i erdhi në mendje , se ajo ndofta mund të dinte diçka ..

...Një ditë , në kohë dreke kur edhe babai nuk ishte në shtëpi , gjeti rastin që të bisedonte me teze Lushin :

- Unë tashmë e shikoj që duhet të të them diçka ,i thotë ajo , por nuk e di sa je gati ti të kuptosh apo të pranosh realitetin , dhe të mundesh të arsyetosh vetë për të gjitha .

- Do të isha shumë i lumtur të dia gjithshka . Mamamnë e kisha nënë , dhe shoqe , por si duket ajo nuk më kishte shok , ndaj nuk më tha asgjë nga ato që e brenin gjithmonë , tha djali dhe shikonte në sy tezën e cila i hiqte mallin e mamamsë , nga mgjashmëria e madhe që kishin ..

Dhe Lushi filloi ti tregoi , ato që ajo dinte apo që i kishte përjetuar bashkë me motreën e saj para shumë viteve të largëta ..

" ....- Mamaja e jote ishte e fejuar me Azemin , filloi tregimi i saj , i shtruar dhe tërheqës për Adrianin ..

Por n jë ditë , ajo u takua , me një shokë lagjeje , me të cilin kishte bërë edhe shkollën fillore . Ky tip i pëlqente që fëmijë Merjemes , por prindërit nuk deshën të marrtohej me të se ai kishte biografi të keqe . Pra kishte një xhaxha të arratisur , dhe familja e tij kishte bërë disa vite internim para se të vinin në qytetin tonë .

Ai shoku i saj ishte trup vogël por shumë simpatik dhe tërheqës .. Me pak fjalë , ajë u drodh sa e pa , dhe menjëherë , siç më ka treguar edhe vetë , u ndez brenda saj zjarri i vjetër i dashurisë që kishte për të .

Nga ana tjetër , fejesa me një njeri që nuk e njihte , me shkijes , dhe pa as më të voglën ndjenjë dashurie , e kishte drobitur të tëren , dhe rastin e shokut e pa me shumë përparësi si mundësi që , të shpëtonte edhe nga fejesa e detyruar , me Azemin ..

Edhe ai shoku i saj , Mandi quhej, tregoi interes , për të .. Kështu që lidhja nuk vonoi , dhe takimet e fshejta u shtuan .

Në një nga këto takime , krevati i dashurisë së tyre , solli një shatzani të pa dëshiruar ..Menjëherë e vuri në dieni edhe atë shokun . Por aty ndodhi edhe zhgënjimi i madh ; Ai nuk i doli për zot fëmijës duke i kërkuar dështimin e fëmijës ..Mirëpo mamaja e jote nuk donte në asnjë mënyrë ..

Kur ishte në ditët e para të muajit të dytë , ajo ja tha këtë ,të ëmës së saj .

Kjo menjëherë ja tha të atit dhe kështu u dha alarmi në shtëpi .. Druri ishte më i shpeshtë se buka dhe përfundimishtë , martesa duhej të bëhej patjetër ..

Azemi , siç edhe ti e di , ishte i ardhur në qytet dhe gjyshi jot, e kishte në ndërmarrjen e ndërtimit ku ishte edhe përgjegjës . Kështu që martesa u bë shpejt , "me urdhër të shefit", dhe Merjemja përfundoi në shtëpinë e Azemit .

Mbas 7 muajsh afërsishtë , linde ti ..

Për Azemin u rregulluan punët , sikur ishte , e sëmurë Merjemja , dhe e lindi para kohe fëmijën ..Nga frika se mos fëmijët e tjerë do ti ngjanin Azemit dhe do të ishin të ndryshëm nga ty , ajo nuk bëri më fëmijë .. Këtë nuk ta shpjegoj dot se si e arriti .. " vazhdonte tregimin rrënqethës , teze Lushi ..Për një çastë edhe ajo pshertiu , dhe piu një gllënkë ujë , pastaj shtoi : ".. Ai shoku i saj , Mandi , mori vesh , rastësishtë , në një aksion për pastrimin e qytetit , që Merjemja , e kishte lindur fëmijën dhe e kishte djalë ..Për çudi , ai nuk u bë më i gjallë kurrë . Një herë rastësishtë , unë mora vesh se e kishin transferuar elektricist në Koman , dhe ndofta kjo ishte arszeja pse nuk ishte dukur më ...

Si duket ai është martuar , më vonë dhe ka bërë edhe dy vajzat që pamë në emision .." Përfundoi , tregimin e një jete të tëre , për disa minuta tezja e tij e dashur ..

Adriani , e kishte humbur kaq shumë vëmendjen sa , edhe shikimin e kishte tretur larg , nga dritarja , dhe nuk e kuptoi se tezja kishte mbaruar .. Jashtë puhia e rëndë e dimrit që po afronte , dukej sikur donte ta merrte me vete ambietin , edhe ashtu disi të trishteuar dhe dimror , të shpirtit të tij nga brenda ..

Kur tezja mbaroi , e pyeti perzemersishtë ..

- Xhani i tezes , nuk besoj se të merzita më shumë , por duhej që një ditë ti ta dije ..Merjemja , megjithse nuk e kishte harruar , shpresonte se kurrë nuk do të dilte me të gjallë të saj e vërteta , se siç thoshte , nuk do të mund ta përballonte ngarkesën emocionale të asaj që ajo ndihej tëre jetën tënde fajtore ..

- E përse ndihej fajtore ?? pyeti pa ndonjë ide të dytë djali , por në mendje i shkonte gjithmonë ai burri që tani e kuptoi pse ishte shëmbëlltyra e tij , në të ardhmen ..

Jashtë degët e pemve , loznin me erën duke e shpërblyer atë me gjethet e verdhelluara , nga pesha e vjeshtës, të cilat i leshonin mbi kurorën e tyre , si orizi mbi kurorën e nuses ..

".. Unë kam lindur at'her , por tani kuptova se jam bërë burrë " mendoi Adriani , ndërkohë që ato vajzat e vogla , hynë në mendjen e tij nga dritarja e kujtesës, dhe po rrinin bashkë me të , diku aty në një cep të zemrës duke pritur që tu hapë derën e madhe të dashurisë i vëllai, që kurrë nuk e kanë parë dhe nuk e kanë njohur ..

... Unë i njoh ato ,tha Adriani dhe mendonte sa më shpejtë të takohej me ato ,dy ëngjëj që pa i prekur i sillnin ndjenjën e hijësisë .. .. ..

Partizan Cene Tetor 2010 ...

Gazeta C

Gomari i ofenduar .

Fabul humoristike në vargje 

nga Partizan Cene ..

Njëherë
gomarit ,
i thanë që, të besojë ,
se në lëndinën më tej
ka bar të njomë e ...
ku mund të hajë
 sa të dojë ..


Ishte miza ,
ajo gjëja e vogël
që thjeshtë të besdis ,
që solli lajmin ,
për hamshorin "turist "..

Ej ti o tru gomar ,
pak më poshtë
në lendinë
ka më shumë bar.!

Bari i rritur deri
         në gju ,
mos u mbllaçit
kot së koti këtu ..!

..Dhe , gomari
ashtu i urtë ,
mizën e dëgjoi ..
mori vrapin e tij
dhë ..
në lëndinë shkoi ..!!

Por ,në lëndinën e madhe
 gomari nuk gjeti  bar,
ndaj u nevrikos ,
si i marrë .

- Oooohhh sa budalla i
shkreti unë
dhe miza më mashtroi ,
për barin deri në gjunjë ??

Ndaj  i mërzitur e i uritur ,
hamshori hëngëlloi
më në fund u
bë burrë
dhe ..
në gjykatë shkoi ..!!

Gjykatësi , një tip
 i plogësht i ngrati ,
e dha verdiktin
të drejtë si drapri :
(Për së gjëri e për së gjati )

- Të drejtë ka miza
se mirë të ka thënë ,
por fajin e ke vet
që mendtë nuk të nxënë..

- E ku është gafili nga mua ?, ..
pyeti i gomari
shpirtin të lajë ..! -

Se nuk e kuptove që miza
mendonte..
gjurin e saj .. !

Dhe prapë edhe trim
gomari i uruar ,
ngeli jo vetëm i uritur
por edhe i turpëruar ..!!

Partizan Cene

Gusht 2010

Ngjarjet politike në Kosovë , objekt shembulli për thyerësit e kushtetutës në Shqipëri .!

Nga Partizan Cene ...

03/11/2010 ... Ngjarjet e fundit politike në Kosovë , tregojnë dy gjëra shumë të rëndësishme për pëlitikën dhe demokracinë .

Së pari ,tregohet se në Kosovë funksionon një shtet demokratik shumpartiak , i bazuar në një kushtetutë të përparuar perndimore.

Së dyti , ngjarjet në shtetin shqiptar të Kosovës , më i riu në Evropë , treguan qartë , atë se ç'mundt të ndodhë , dhe në çfar kaos mund të shkoi vendi , kur vetë kreu i shtetit shkel Kushtetutën e vendit .Me veprimin e tij ish presidenti Sejdiu , bëri që të shkojë vendi në zgjedhje të jashtëzakonshme , dhe të parakohshme . Kjo për vetë kushtet në të cilat ndodhet Kosova sot , nuk ishte një kohë e përshtatshme për këto zgjedhje.Ky kaos , e dëmton ecurinë e saj në arënën ndërkombëtare .

Sot Kosova ,ndodhet në një çast kritik , për sa i përket njohjeve ndërkombëtare , dhe bisedimeve të pritshme me Serbinë . Zgjedhjet e parakohshme , e frenuan në një farë mase hapin para të Kosovës , në këto dy drejtime të rëndësishme .

Por nga ana tjetër zhvillimet në Kosovë tregojnë shëndet të mirë të shtetit , nga ana funksionale , gjë që nuk vihet re në Shqipëri . Shteti i Kosovës edhe një herë dëshmoi se është i bazuar mbi parime demokratike , ku institucionet harmonizohen .dhe veprojnë konform kushtetutës dhe ligjit .

Situata në Kosovë nuk është e këndshme , por është e shëndetshme politikisht .Besoj se ka vend që politika shqiptare dhe qeveria e Kryeministri në veçanti duhet të reflektojnë shembullin e ardhur nga vëllezërit tanë , në shtetin tjetër shqiptar . Vetëm dy vjet u deshën që në Kosovë të kuptohet dorheqja dhe institucioni i saj .Por në Shqipëri as 20 vjet nuk mjaftuan ,dhe gjasat janë për hiç kurrë .

Shteti në Shqipëri është privat në duart e kastës që e përdor atë si do vetë . Nuk besoj se mund të ketë shqiptar të besojë se do të vije ndonjë ditë të japë dorheqjen Berisha apo Topalli , që e kanë shkelur kushtetutën me të dy këmbët kriminalisht dhe të pa cënuar nga fuqia e Kushtetutës , pa le më nga Respekti për të ..

Sot në Shqipëri , mjafton të marrësh njëherë pushtetin dhe nuk e lëshon më kurrë , se i gjithe shteti vihet në funksion të pushtetit . Kështu ka bërë dhe po bën sot politika shqiptare .Asnjë ligj apo rregull nuk do të sjellin funksionimin e një shteti demokratik në Shqipëri për derisa ligjet nuk zbatohen , dhe makina shtetërore vihet në funksionim të pushtetit dhe pushtetarëve ..!!

cene-alb.com

Ndryshimet në ligjin për rregjistrimin e popullsisë , rast për të reflektuar “mëkatarët”..

.

Nga Partizan Cene ..

TIRANË : 30/10/2010 ...Ky është një veprim i drejtë i qeverisë shqiptare , pasi qarqe të ndryshme da ta interpretonin ndryshe zbatimin e ligjit për rregjistrimin e popullsisë po të vihej në veprim ashtu me formularët e vjetër .!

Ka ndryshuar formularin e regjistrimit të popullsisë dhe banesave qeveria shqiptare . Në këtë më nyrë ka ndryshuar edhe qëndrimi fillestar i saj . Pra nuk do të ketë rregjistrim mbi baza etnike .

Shqiptari është shquar për tolerancë fetare dhe kurrë në Shqipëri nuk ka pasur ndonjë konflikt fetar dhe etnik . Mirpo me hapjen e Shqiprisë me botën , qarqe fetare të interesuara për të rritur artificialishtë numrin e popullsive me kombësi tjetër , kanë detyruar emigrantët , nëpërmjet shumë mënyrave që të deklarohen ndryshe nga sa janë në të vërtetë ..

Në Greqi kjo ishte shumë e theksuar dhe qarqet shovinisto orthodokse greke , gjetën rastin që nëpërmjet finncimeve , dhe ndihmave , të detyronin shumë shqiptar që të kthenin emrin , besimin dhe kombsinë .. Sot në Greqi ka ndryshuar shumë ky mentalitet tek emigrantët , dhe me rregjistrimin e ri të popullsisë i del detyrë çdo shqiptari ti thërrasë ndjenjës kombëtare dhe të admirojë vendin, tokën ,Atdheun dhe Flamurin e tij ..

Në këtë mënyrë tregohet edhe shkalla e lartë e qytetrimit që morëm në gurbet jashtë Atdheut Mëmë .

Numërohen , simbas shifrave të të ashtuquajturit komiteti për Vorio Epirin , një shoqatë gjoja joqeveritare , por fetare shoviniste nacinaliste , rreth 600.000 minoritarë grekë në Shqipëri . Ky është një fallsifikim i madh , pasi edhe të gjithë fashtrat me popullsi Greke që janë në Shqipëri të ishin qytete prapë ky numur do të ishte shumë më i vogël .Tjetërsimi dhe asimilimi i emigrantëve shqiptarë duke duke përdorur , nevojat e tyre urgjente , të cilat nuk i plotësonte dot shteti shqiptar , është vazhdim i persekutimit dhe tjetërsimit qi i është bërë në dhjetra vite popullsisë çame në Greqi .

Emigrantët u vunë para alternativave , o orthodoks , ose ska punë , lekë shtëpi dhe shkollë .Pra u deturuan të "bëjnë mëkat" para Atdheut dhe Kombit . Por shteti shqiptar nuk bëri asgjë. Nuk ndihmoi aspak në eleminimin e këtij fenomeni , duke bërë që në Greqi sot edhe kuksiani, thotë jam "vorioepiriot" , edhe durrsaku thotë i tillë dhe edhe elbasanlliu edhe vlonjati edhe tiransi e shkodrani .. Shumë nga ata e kanë shitut kombesinë e tyre më një pension urie ,për të ëmën apo të atin ..

Ndokush i quan grekët "budallenj " , që e "hanë sapunin për djath " . Pra , besojnë se greku nuk e di që kuksiani nuk është me të vërtetë "voriepiriot".Por gabohen . Kjo është një mënyrë për ta marrë kalanë nga brenda , duke e quajtur jo vetëm Himarën më vonë Greqi , por edhe gjithë Shqipërinë .

Fushata e rregjistrimit të popullsisë është një rast , që gjërat të vihen në vend .Por që të bëhet kjo , duhet që të jetë një ligj që ti shmangë bërjet e qejfeve pët shovinistët dhe antishqiptarët grek ekstremist . Kjo realizohet me një ligj pra ku të mos kenë mundësi ta keq interpretojnë nesër të paudhët ndryshe ndarjen apo përkatësinë fetaro etnike në Shqipëri ..!!

Pra qeveria bëri hap mbrapa nga ligji i mëparshëm , dhe për këtë duhet inkurajuar një proces i ndershëm i rregjistrimit , pa futur hundët oreksmëdhenjtë e paskrupullt fetaro orthodoks dhe qarqet shoviniste në këtë proces të detyrueshëm dhe shumë të rëmdësishëm dhe delikat .!

Ishin reagimet të ndërkombëtare që i bënë , institucionet shqiptare të ndryshojnë formularin për rregjistrimin e popullsisë .

Qytetarët e Republikës së Shqipërisë nuk do të jenë të detyruar të deklarojnë grupin etnik që i përkasin në formularin e regjistrimit të popullsisë dhe banesave që do të aplikohet në Shqipëri në muajin prill 2011, lë të kuptojmë , formulari i ri .

“Cili është grupi etnik që ju i përkisni”?? . Kjo pyetje është cilësuar në formularin e regjistrimit si deklarim i lirë dhe jo i detyrueshëm.
Qeveria shqiptare gjithashtu në plotësimin e këtij formulari ka shmangur një përgjigje të detajuar në lidhje me besimin fetar, duke mos rrezikuar në këtë mënyrë një polemikë mbi statistikat për të dhënat aktuale të besimit fetar në Shqipëri.

Pyetja në formularin e ri për këtë pikë është “A besoni në Zot”. Deklarimi i përgjigjes është i lirë dhe jo i detyrueshëm dhe ka tri opsione “po”, “jo” dhe “preferoj të mos përgjigjem”.

Në këtë mënyrë është hequr pyetja e drejtëpërdrejtë , që ishte në formularin e vjetër keshtu :

“Cili është besimi juaj fetar”. Kjo pyetje në formularin e vjetër mbartte shtatë opsione si mundësi përgjigjeje” “mysliman-sunit”, “bektashi”, “krishterë-ortodoks”, “krishterë-katolik”, “asnjë besim fetar”, “preferoj të mos përgjigjem” dhe “të tjera”.

Me sa duket , ligji ka mbajtur një preformancë konform ligjeve të të drejtave të njeriut por një kohësishtë ruan edhe mundsinë e artë që siç e thashë më lartë , vet shqiptarët edhe kush ka gabuar me dashje apo pa dashje , i deturuar apo i joshur , nga paratë , sot të tregojë sakt identitetin e tij duke bërë në këtë mënyrë edhe detyrën ndaj atdheut dhe kombit ...

Ndryshimet në ligjin për rregjistrimin e popullsisë , rast për të reflektuar "mëkatarët"..!!

cene-alb.com

Parashikohet refuzim i kërkesës së Shqipërisë , për marrjen e statusit të vendit kandidat .

Nga Partizan Cene

27/10/2010 ..Kështu shkruan "Zeri i Evropës " në një artikull të sotëm , të bërë publik prej saj . Autori i artikullit , analisti për çështjet ballkanike , zoti Toby Voogel,thekson se , në mbledhjen e Nëntorit , Komisioni Evropian ,parashikon që të mos ti japë dritën jeshile Shqipërisë , si vend kandidat për të filluar procedurat e antarësimit .

Por nuk mendohet se do të ketë këtë fat , edhe republika e vo gël fqinje e Malit të Zi . Gordana Duroviç,Ministria e jashtëme e Malit të zi që citohet në artikull , tha se : "Për Malin e Zi gjasat janë për një Po , pasi pothuaj të gjitha kushtet , janë plotësuar edhe në stadin teknik edhe në atë politik . Korrupsioni , është luftuar në një masë të madhe , falë edhe ligjeve të miratura , në kuadër të reformës në drejtësi që po zhvillohet në Malin e Zi .

Ndërsa për Shqipërinë analisti Voogel, jep një panoramë jo të favorshme , pasi dominojnë shumë faktor jo të favorshëm . Si pengesë e parë paqraqitet krizapolitike , e cila , ka bërë , mosfunksionimin normal të institucioneve ligjvënse në Shqipëri . Opozita , nuk ka marrë pjesë aktive në parlament gjë që ka sjellë mos aprovimin e një sërë ligjeve të domosdoshme në kuadrin e reformave të kërkuara nga BE, si kushte për antarsim .

Korrupsioni në Shqipëri vazhdon artikulli , është shumë i lartë dhe ky përbën një shkak tjetër kryesor , që do të sjellë pengesa nga Komisioni Evropian më 8 nëntor , në marrjen e vendimit .

Në artikull bëhet e qartë edhe për Serbinë e cila , ka bërë përparime , edhe në luftën kundër korrupsionit por edhe në bërjen e reformave . Gjithashtu pozitiv është fakti i bashkë punimit me Gjykatën e Hagës . Megjithse edhe për Malin e Zi edhe për Shqipërinë dhe Serbinë , ka akoma punë dhe detyra të pa përfunduara , përmbyllet artikulli , në Zërin e Evropës , nga analisti Toby Voogel . (Evropian voice)

cene-alb.com

Sot Kryeministri Sali Berisha Mbush 66 vjeç … !!

Nga Partizan Cene :

Në fillim enciklopedi :

Sali Ramë Berisha (Lindi më 15 tetor 1944) aktualisht është kryeministër i Republikës së Shqipërisë. Njihet si presidenti i parë i zgjedhur nga një parlament i zgjedhur me zgjedhje të lira demokratike i Shqipërisë në vitet 1992-1997.

Sali Berisha ishte mjek kardiolog, profesor universiteti dhe kërkues shkencor, kur hyri në politikë si udhëheqës i opozitës anti-komuniste që filloi në vitin 1989.

Jeta dhe karriera e hershme

Sali Berisha lindi në fshatin Viçitol të Tropojës në kufi me Kosovën. Në vitin 1967 ai përfundoi me rezultate të shkëlqyera Fakultetin e Mjekësisë në Universitetin e Tiranës. Më vonë ai u specializua në degën kardiologji dhe më pas u emërua si asistent/profesor mjekësie në të njëjtin universitet dhe mjek kardiolog në Spitalin e Përgjithshëm të Tiranës. Gjatë viteve 1970, Sali Berisha u dallua për punën kërkimore në fushën e kardiologjisë në Shqipëri dhe u emërua profesor kardiologjie në Universitetin e Tiranës. Në vitin 1978 ai fitoi një bursë nëntë muajore nga UNESCO për studime të avancuara dhe trajnime në Paris. Pas kthimit në Shqipëri, Berisha filloi një program kërkimor për hemodinamikën që tërhoqi vëmendjen e shumë kolegëve evropianë. Në vitin 1986 u zgjodh anëtar i Komitetit Evropian për Kërkime Mjekësore me qendër në Kopenhagën, me të cilin punoi për përpunimin e strategjive kërkimore shkencore “Shëndet për të gjithë”. Studimet shkencore ndërkombëtare në kardiologji të z. Berisha ishin origjinale dhe të rëndësishme ; ato u botuan në gazeta dhe revista mjekësore prestigjioze në Evropën Perëndimore. Në vitin 1989 iu dha titulli Profesor në Universitetin e Tiranës.

Rënia e komunizmit

Mbas vdekjes së diktatorit komunist Enver Hoxha, Berisha shpresonte që pasardhësi i tij Ramiz Alia do të zbuste politikën e ashpër staliniste të paraardhësit të tij dhe do të inkurajonte ndryshimet. Por bashkë me një numër në rritje të intelektualëve, studentëve dhe të rinjve punëtorë ai mbeti i zhgënjyer kur këto shpresa nuk u realizuan. Në vitin 1989 kur vendet e Evropës Lindore filluan të përmbysnin komunizmin Sali Berisha dhe mbështetësit e tjerë të reformave dolën më hapur në thirrjet e tyre për ndryshime në Shqipëri.

Në tetor të vitit 1989 në një interviste me Televizionin Shqiptar të kontrolluar nga shteti ai i kërkoi regjimit të fillojë një program të gjerë liberalizimi, por intervista e regjistruar nuk u transmetua në televizion. Në gusht të vitit 1990 në një takim të disa intelektualëve shqiptarë me Ramiz Alinë Berisha kërkoi lejimin e sistemit shumëpartiak dhe ekonominë e tregut. Në një artikull të botuar në gazetën “Bashkimi” më 17 shtator 1990 Berisha dënoi ato që ai i quante ”reforma kozmetike” të regjimit të Alisë. Pa pluralizëm politik, theksonte ai, nuk mund të ketë demokraci të vërtetë në Shqipëri. Në dhjetor të vitit 1990 ai iu bashkua që në ditën e parë demonstratave të studentëve të cilat e detyruan regjimin të lejonte sistemin shumëpartiak. Me krijimin e partisë së parë anti-komuniste, Partisë Demokratike, ai ishte një nga drejtuesit kryesorë të saj dhe në shkurt të vitit 1991 ai u zgjodh kryetar i Partisë Demokratike. Sali Berisha ka qenë zgjedhur i parlamentit në 1991, 1992, 1997, 2001, 2005, 2009.

President 1992-1997

Pas zgjedhjeve të para të lira në Shqipëri, Berisha u zgjodh President i Republikës më 9 prill 1992. Gjatë mandatit si President i Republikës së Shqipërisë, Shqipëria u hap ndaj perëndimit ; ajo u bë anëtare e Këshillit të Evropës në vitin 1995 ; nënshkroi Marrëshveshjen për Paqe dhe Partneritet në vitin 1993 dhe vendosi bashkëpunim të ngushtë me vendet e BE-së dhe ShBA-në. Të gjitha ligjet e diktaturës komuniste u zëvendësuan me ligje të reja të standardeve evropiane dhe u krijuan institucione të reja si Gjykata Kushtetuese e Shqipërisë dhe Këshilli i Lartë i Drejtësisë, që nuk ekzistonin më parë. Zgjedhjet parlamentare të radhës në 1996 u manipuluan nga PD e Sali Berishës, e me gjithe protestat e opozitës si dhe thirrjen e bërë nga Bashkimi Evropian e SHBA për përsëritjen e tyre u injoruan.

Rënia e skemave piramidale në fund të viti 1996, në të cilat shqiptarët humbën miliona dollarë, çoi në demonstrata në të cilat njerëzit akuzonin qeverinë për vjedhjen e parave. Trazirat e krijuara si rezultat i kësaj në fillim të vitit 1997 e detyruan Berishën të dekretonte zgjedhjet e parakohshme në qershor 1997. Këto zgjedhje u fituan nga opozita dhe mas kësaj Berisha dha dorëheqjen si President.

Më pas Berisha ri-zgjidhet Kryetar i Partisë Demokratike dhe këtë pozicion e mban nga viti 1997 deri më sot, i rizgjedhur në prill 2005.

Në vitin pasues Berisha e fut Partinë Demokratike në koalicion me partit e qendrës së djathtë dhe në zgjedhjet e përgjithshme politike të mbajtura në pesë raunde në periudhën qershor-gusht 2001 zgjidhet drejtues i koalicionit. Megjithëse misioni vëzhgues ndërkombëtar OSBE/ODIHR i quajti këto zgjedhje të manipuluara, koalicioni fitoi 37 % të votave.

Me 3 korrik 2005, koalicioni prej pesë partive të qendrës së djathtë i drejtuar nga Sali Berisha ja arrinë që të fitojë një mazhorancë prej 74 deputetësh nga 140 gjithsej në Kuvend dhe më 8 shtator 2005 me shumicë prej 81 votash të deputetëve zgjidhet Kryeministër i Shqipërisë. Me 4 Prill 2009 Shqipëria u pranua si anëtare me të drejta të plota në NATO. Kjo u arrit falë reformave të kryera nga qeveria e z. Berisha. Me 28 Qershor 2009 u mbajtën zgjedhjet e radhës për parlamentin ku koalicioni i udhëhequr nga Partia Demokratike fitoi 70 mandate nga 140 te tilla. Kështu kryetari i PD z. Sali Berisha ftoi LSI-në në koalicion, ftesë qe u pranua nga z. Ilir Meta. Qeveria e re do të jetë qeveria e integrimit të Shqipërisë në Bashkimin Evropian. Sali Berisha është i martuar me Liri Berisha, e cila është pediatre dhe kanë dy fëmijë, një vajzë, Argitën, dhe një djalë, Shkëlzenin. Berisha zotëron gjuhën angleze, frënge, italiane,ruse dhe gjermane.

URIMI PËR KRYEMINISTRIN E VENDIT :

Në ditëlindjen e tij sot i urojmë Gëzuar Ditëlindjen edhe njëqind vjet të tjera në harmoni e lumturi ..Përherë të mira për të dhe për familjen e tij .. !!

Sot qeveria nuk ka mbeshtetje mbarpopullore në reformat e saj !Opozita e akuzon për manipulim të zgjedhjeve dhe korrupsion .!

Reforma t e sotme të qeverisë së kryesuar nga Zoti Berisha , nuk kanë përkrahjen e me shumë se gjysmës së popullsisë , për arsye se zgjedhjet e fundit , parlamentare , u karakterizuan nga mosrregullsi , të cilat ishin më të dukshme në pjesën e dytë dhe të tretë të procesit që kishte të bënte me numërimin dhe liçensimin e tyre .

Organizmat ndërkombëtare që e vëzhguan procesin megjithse patën vlersim pozitiv , lanë shteg për keqkuptim , duke theksuar se ato u numëruan keq dhe në disa zona shumë keq.. Kjo ishte arma e opozitës së majtë , e cila nuk ka rreshtur , së kërkuari rinumërim dhe transparencë për atë proces zgjedhor, dhe duke shkaktuar kështu krizën më të madhe politike që po kalon vemndi ynë sot .

Pamvarësishtë këtyre gjërave , gjatë periudhës së qeverisjes , oshilacionet e ardhura nga kriza politike , vendi në arenën ndërkombëtare , ka pasur përkrahje të dukshme . Evropa dhe bota bëjnë thirrje ti jepet fund krizës politike në vend që po i sfilit politikisht por edhe ekonomikisht vedin, dhe popullin . Reformat kanë stacionur dhe po presin konsensiusin e opozitës ..

Statusi i shumë pritur dhe ëndrra e përhershme, nuk mund të realizohen pa opozitën ..!

Shqipëria tashmë si antare e NATOS , dhe një vend ku qytetarët e saj do të lejohen të lëvizin të lirë në Evropë , po përgatitet të marrë statusin e vendit kandidat .. Por Evropa ka vënë edhe vija të kuqe të cilat të kalohen duan pa diskutim mirkuptimin e opozitës ..

Eshtë kjo e fundit që herpashere e ka akuzuar zotin Berisha per diktat ,dhe qeverinë e tij si një kabinet oborrtar familjar . Akuzat për korrupsion janë shumë të ashpra dhe të thella . Nga këto akuza u detyrua edhe largimi i njërit prej ministrave më të përfolur nga qeveria Berisha - Meta ..

Gjendja ekonomiko- politike në vend len për tu deshiruar , ndaj duhet menjëherë sa nuk është vonë , konsensius dhe bashkeveprim me opozitën për të gjitha reformat e domosdoshme ..Duke filluar sigurishtë nga dy më të mprehtat :

- Reforma zgjedhore , për të bërë një ligj dhe një sistem zgjedhor të padiskutueshëm dhe të besueshëm ..

- Reforma në drejtësi , me qëllim luftën kundër korrupsionit ta çojmë në një shkallë të tillë që askush të mos ta kërkojë një post për portofolin se e pret burgu ..

Ky rast i përvjetorit të ditlindjes , le të shërbejë edhe për kryeministrin si një moment reflektimi nga të gjitha sa thuhen dhe dëgjohen apo nga ato çka jeton dhe shikon populli vetë .. !!

Përgatiti : Partizan Cene ..

cene-alb.com